Kabanata 16
Portal
Nang magising ako kinabukasan ay wala akong nadatnan na Hunter sa buong mansiyon. Laking pasasalamat ko dahil doon. Ayokong makita siya kahit ngayong araw man lang. At ibinigay naman niya iyon.
Kung nasaan man siya, sana ay hindi na siya makabalik pa pauwi rito sa kaniyang tahanan.
Napili kong mag-umagahan sa hardin. Ang gaan ng pakiramdam ko simula nang magising ako kaya hindi ko hahayaan na may sumira ng magandang mood ko sa araw na ito.
Huwag lang talaga siyang magpakita. O kahit umuwi man lang.
Taitim akong nagdasal.
Gusto ko ng bumalik sa mundo ko ngunit hindi ko alam kung paano. I want to see my friends already, and if possible... I want to turn back the time.
Iyong hindi ko pa nakilala si Hunter. Gusto kong bumalik at baguhin ang nagawa ko. Sana ay hi
