Nandito kami sa canteen at nagpaplanong mag-celebrate ng birthday ni Kurt.
Dahil ngayong September 22, 2018 ang kaarawan niya ay napagpasyahan naming sorpresahin siya. Nagkataon kasing absent si Kurt dahil siguro naghahanda sa party niya mamayang gabi.
"Hi guys, eto na naman ang kaibigan ninyong bossy nag-uutos sa inyo tungkol sa gagawin mamayang gabi," masayang sabi pa niya na may kasamang pagwagayway pa ng kanyang kamay.
Narinig kong may impit na tawanan sa bandang likuran ko. At alam ko na kung kanino nanggaling ang tawanang 'yon.
"Mabuti inamin niyang bossy siya. Akala ko hindi niya napapansin 'yon," nakangising sabi pa ni Colin kay Maverick na hindi alintana kung naririnig ba ni Alyssa ang sinasabi niya. Kita kong tumango-tango naman si Maverick siguro bilang pag-sang-ayon sa mg
