احببت قاتل

وقت مستقطع

ادركت سها ان منى صديقتها كانت على حق وان كل الرجال تقريبا نفس الشخصيه تبهرهم المظاهر و لا يستطيعون ال**ود طويلا امام الجمال ...

لم تكن سها سعيده بما وصلت اليه فصحيح ان جسين بدا اعجابه وحبه و بدأ يتقرب منها و لكنها تشعر بالضيق كان هناك شيئا بداخلها لا يريد هذا الحب و ذلك الاهتمام .. و تذكرت احمد و الذي كان طولل الوقت يحبها دون الالتفاف لمظهرها و لا لجمالها ...كانت سها متاكدة. من حب احمد لها فاحمد شخص ذو مباديء و قيم .. و يحبها من قلبه دون تزيف ..

ظلت. سها تفكر في احمد لمده طويله بعد زواجها و تقارن نظرات احمد بنظرات الحب لزوجها و كلام حسين بكلام وطريقه احمد و ردود افعال احمد بتصرفات حسين وكان دائما احمد هو المنتصر واحسن هو المهزوم داخل قلبها .

ولكنها بدات تشعر بالضيق من كل هذه الافكار التي تلاحقها وقررت ان تحاول نسيان احمد بكل الطرق وانها لابد ان تتوقف عن التفكير به حتى تستطيع العيش مع حسن وتنجح في التخلص من الشعور بالذنب لانها تقوم بادعاء الحب في كل تصرفاتها مع حسين وهي تفكر في رجل اخر .. لم تكن تشعر سها بالارتياح لكل ما يدور حولها لذلك قررت ان تاخذ موقف وتبدا من جديد وبالفعل عندما كان احمد ياتي ويغزو تفكيره كانت تحاول ايقاف تفكيرها بكل الطرق ..

و ادركت ان الوحدة التي تشعر بها هي التي تدفعها للتفكير في الذكريات .. فحسين طوال الوقت مشغول في سفره وحفلاته واجتماعات و هي وحيده لذلك قررت ان تذهب الي النادي حتي تتخلص من الشعور بالوحده و طلبت من صديقتها مني ان تذهب معها .

_ مني : مش عارفه اشكرك ازاي يا سها انك خليتيني اجيء معك هنا النادي ده عمري ما كنت احلم اني ادخله اصلا و لا حتي اني اعدي من جنبه دي العضوية هنا بالشيء الفلاني انا مش عارفه انت ليه ما كنتش بتنزلي النادي ده وازاي اول مره تفكري تنزلي .. ده كفايه المناظر اللي احنا شايفنها دلوقتي ولا الهوى فعلا يرد الروح .

_ سها : شوفي بقى يا منى منظر الاعجاب والشغف اللي جواك دي انا بقى كل الكلام ده ما لوش عندي اي قيمه ومش حاسه اتجاهه باي احساس .. عارفه لما يبقى كل حاجه بالنسبه لك عادي النادي بالعاشر حتى فلوس حسين و منظره الجذاب كل ده بالنسبه لي عادي .. مش بحس باي انبهار ..

_ مني : برده يا سها هو اللي فيك فيك ما فيش اي تغيير خالص مش يا بنتي احنا تكلمنا واتفقنا هتبقى عامل ازاي مع حسين وبعدها اتصلت به بالتليفون وقلت لي ان الموضوع ماشي كويس لانه فعلا ابتدا يهتم بك ويقعد معك وقت الاول خالص لانك حسيت ان فعلا انك كنت غلطانه وانت كنت السبب انك كنتي السبب انه هو بتتعامل معاكي بالاسلوب ده .

_ سها : ايوه فعلا كل اللي انت بتقوليه ده صحيح هو حقيقي لكن انا من جوايا لسه زي ما انا احساسي يا منى قلبي هو اللي مش راضي يتغير يمكن اسلوبي وشكلي تغيروا لكن المشكله في قلبي تقدري تقولي لي ممكن اغيره ازاي ممكن اخليه ازاي يحس فعلا بحسين انه يحس بالسعاده واني انسى الماضي دي مساله مش سهله ابدا.

_ مني : باقول لك ايه حاولي كده تركزي معي وتفهمي الكلام اللي انا هاقوله لك ده انت خلاص بقيت امراه حسين ده بقى امر واقع فلازم تركزي في الحاضر اللي انت بتعيشيه لانك كده بتكوني بتدمري نفسك حرفيا خلاص يا سهى اللي راح فات وانتهى دلوقت انت في اليوم اللي انت بتعشيه ولا تندمي على امبارح و لا ينفع تفكري في بكره النهارده هو كل حياتك اليوم اللي بتعيشيه ده هو اللي في ايدك و هو اللي هيرسم المستقبل و يعدل كمان الماضي .

_ سها : مش عارفه يا منى ومش قادره اعمل اللي انت بتقوليه ده على فكره انا بارتاح قوي بالكلام معك باحس انك فاهماني وفاهمه اللي انا وصدقيني انا مقتنعه بكلامك جدا وعارفه ان هو الصح لكن المشكله انه مش عارفه انفذه المشاعر دي حاجه ملخبطه قوي حاجه جوايا كده مش عارفه اتخلص منها وللاسف هي اللي مسيطره علي يا ريت كان جوايا زرار يمكن ادوس عليه يغير الاحساس اللي انا حساه

_ مني : ومين قال لك يا سهى انك مش جواك الزرار ده ده موجود فعلا عارفه ايه هو.. هو الاراده وحبك لنفسك لازم يبقى عندك اراده للتغيير و لازم تكوني بتحبي نفسك للدرجه اللي تخليك تغيري الواقع.. وما تقبليش انك تعيشي في عذاب في مثل دائما امي كانت بتقوله ان ما حدش بيحس بالنار الا اللي ماسكها وانا عايزه اقول لك الكلام ده ما حدش هيحب النور اللي جواك الا انت علشان تقدر يد فيها الا انت تحبي نفسك يا سهى وابقي عايزه تفرحي نفسك .. يا ريت تتغيري و تحاولي تكوني ايجابيه مش علشان اي حد .علشانك انتي بس . و افتكري كويس حاجه مهمه ان في ناس كثير بتمنى يبقوا فيه المكان اللي انت فيه عندهم فلوس كثير سلطه وكمان جمال انتي بتملكي قواعد القوه كلها . علشان كده من السهل انك تغيري اي حاجه حتي لو كانت مشاعرك ..

كلام مني كان مؤثر جدا و كانت سها تحاول ان تفعل ما تقوله لها .. وبدات بالفعل في ان تتغير و في يوم طلبت من حسين طلب جعله يندهش و قوبل ذلك الطلب بالرفض التام ..

_ حسين : معقول الكلام اللي انتي بتقوليه ده .. شغل ايه اللي انت عايزه تشتغليه ده يا سها انا رافض طبعا بقى امراه حسين ا***ذلي بتشتغل ليه هو انا مش قادر اصرف عليكي ولا ايه بالظبط اللي انت بتقوليه ده انا استحاله اوافق عليه مهما حصل شيلي الفكره دي خالص من دماغك وبلاش تتكلمي معي ثاني فيها احسن.

_ سها : ارجوك يا حسين انا زهقانه جدا وحاسه بالملل وبعدين انا باقول لك اشتغل معك في اي شركه من شركاتك يعني مش هاكون باشتغل مع احد غريب انت اختار لي المكان اللي انت شايفه مناسب . .

_ حسين : بصي بقى انا مش موافق على الموضوع ده حتى لو كنت هتشتغل معي انا شخصيا انا في الشغل وعارف ايه اللي بيحصل في السغل و المتاعب اللي ممكن تواجهك صدقيني الزهق اللي انتي بتقولي عليه ده مش الحل فيه انك تشتغلي ..

_ سها : امال ايه الحل بس . ممكن تقول لي . ازاي ممكن اتخلص من الاحساس اللي هيموتني ده .

_ حسين : للدرجه دي يا سها . هيموتك . مش شايفه انك مكبره الموضوع اووي .. ما انتي كنتي قاعده في بيت ابوكي و ما كنتيش بتشتغلي ايه اللي زاد او اقل بقي . .

_ سها : الحاجه اللي تغيرت هي اني بقيت محبوسه صحيح في بيت جميل في كل حاجه لكن محبوسه يا حسين مش باخرج خالص وانا عايشه في بيت بابا كنت على طول باخرجهم مع اصحابي باقا**هم وباروح وباجيء انا حاسه بملل رهيب

_ حسين : هو حتى حاشك يا سها ما تخرجي وتتفسحي قولي اصحابك اخرجي معهم عايزه تسافري سافري هل انا منعتك هل انت طلبت اي حاجه وانا قلت لك عليها لا لكن موضوع الشغل ده انا مش مقتنع به لان ما ينفعش امراتي تتعب وتنزل وتشتغل عشان تجيب فلوس والفلوس عندنا الحمد الله و مافيش عندنا مشكله .

_ سها : اخر حاجه كنت اتخيلها انك ترفض انا قلت انك هترحب بفكره دي جدا وخصوصا انك بتحب الشغل وعلى طول مش موجود فيه وفيها ايه بس لما اشتغل معك واكون جنبك طب بلاش اشتغل ايه رايك انزل معك الشغل اشوفك وانت بتشتغل اقعد معك يعني اضيع وقت

_ حسين : الشغل ما فيهوش تضييع وقت يا سهى وبعدين انت عايزين ناخذ مراتي معي الشغل اقول لهم ايه الناس تقول علي ايه اللي انت بتقوليه ده حاجه ما حدش بيعملها اصلا لكن انا ممكن ابقى اخذك معي السهرات والاجتماعات بتاعه الشغل اللي بعد الظهر لو انت حابه ده لكن انت اللي كنت بترفضي واول لما اتجوزنا عرضت عليك اكثر من مره وقلت لي انا ما بحبش اخرج في حته ما اعرفش في احد برغم انه المفروض تيجي معي وحتى لو ما تعرفيش احد تبتدي تتعرفي على الناس.

_ سها : ايش يا حسين خلاص انا موافقه ان انا اخرج معك بس يا ريت تقول لي قبلها مفروض البس ايه واعمل ايه لان بجد من اسباب اللي كانت بتخليني ارفض اخرج معك اني ما عنديش اي خبره في السهرات دي دائما باشوفهم في التلفزيون لابسين لبس كلاسيك وبيقعدوا يرقصوا ومش عارفه ده بيحصل في الحقيقه ولا لا

_ حسين : خليك على طبيعتك يا سها انا عمري ما هاصوت عليك اي حاجه اما بخصوص اللبس البسي بيناسب سهره لكن مش سواريه يعني لبس عادي لبس الخروج بس يناسب الليل .

_ سها : ماشي يا حسين ما عنديش مانع اني اجرب لما يكون قدامك سهره قريبه يقول لي قبلها علشان احضر نفسي.

_ حسين : والله يا سها انت مش محتاجه اي حاجه خالص انت بس تطلي زي ما انت كده وهتخ*في كل الانظار انا وراسي احسن واحده موجوده في العالم كله. .

_ سها : بلاش مبالغة بالله عليك . انت اللي عيونك حلوه و كلامك احلي ..و ديما بتغلبني في الكلام .

اندهشه احمد من طريقه سوقها بالحديث معه حيث بدات ان تظهر له بعض من الحب والكلام الحسن و التي كانت لا تحاول ابدا تظهره ابدا ولكنه كان سعيد للغايه لهذا التغيير الواضح عليها واخذ قرار بينه وبين نفسه ان يبدا هو ايضا بالتغيير نحوها واظهار بعد مشاعر الحب و الود . اتجاهها .. و سوف يعاملها بطريقه اكثر رومانسيه و يتقرب اليها و لا يتركها بمفردها لوقت طوبل كما كان يفعل ..