صندوق الاحلام

7

كانت تحلم فيه ... بس قلت على الاقل تركت لنا عيال اخوي عبدالعزيز

سمر بنت فوزية: انفجعت لما دريت ان ملكة خالد على هالعلة اليوم

حصة: احين بقوا لكم نواف وفواز ... لا تضيعونهم من يدكم

دخل خالد وهو متشقق من الوناسة وطاير من الفرحة ... ووصل عندها وسلم عليها ... وباسها على راسها

خالد: مبروك

لينا وهي منزلة راسها: الله يبارك فيك

وفجأة دخلت لما وهي تدف عربية مليانة ورود ووسطها علبة فخمة بوسطها طقم الماس رائع ... رفعت لينا راسها فجأة وناظرت في خالد

قرب خالد وهمس لها: لا تخافين ... شبكتك انتي اللي بتختارينها ... بس ما حبيت تكونين اقل من غيرك ... ورحت شريت الطقم هذا على ذوقي ... ومتى ما تبين ننزل نشتري الشبكة

نزلت راسها وهي مستحية وتقول في نفسها الله لا يحرمني منك ياخالد

لبسها خالد الشبكة ... وصوروا ... وطلعوا لمجلس الحريم ... شوي ودخلوا عليها فواز ونواف وابوهم وعمهم ... والكل بارك لهم وصور معاهم ... وطلعوا عبدالعزيز وعبدالرحمن وبقوا نواف وفواز

خالد: اقوووووووووول ... شكلكم راعين طويلة

فواز: نعم ... قاعدين على قلبك

خالد: لا ابد ... سلامتك ... بس ضف وجهك انت واخوك

نواف: احنا لسه ما خلصنا تصوير

وقف نواف على يمين لينا وفواز على يسارها وطلبوا المصورة انها تصورهم

خالد: هي هي هي انت وياه ... مين المعرس

فواز: مو شغلك ... وخر لاتخرب علينا الصورة

نواف: أي والله ... في كل الصور تبي تحشر نفسك ... نبي نصور مع اختنا بروحنا

لينا: هههههههههههههههههههه

خالد: اضحكي اضحكي... مبسوطة على اخوانك .. بس حسابك معي بعدين

وطلع خالد جواله ودق على عمته منيرة ...

ثواني ودخلت عليهم منيرة ...

منيرة: عيــــــــــــــــال ... انتوا لسه هنا

فواز: حياك يمه ... اقلطي معنا

نواف: اصب لك قهوة يمه

منيرة: ياللي ماتستحون ... سلطان واقف برا ينتظر مسكين ... اطلعوا خلهم يخلصون ويدخلون سلطان وربى هنا... ما في مجلس فاضي غيره

فواز: حياهم يمه ... خلي ربى تلبس عبايتها وتدخل

نواف: أي عادي يمه

منيرة: قوموا لا اذ*حك انت وياه ... بسرررررررررررررعة

طلعوا فواز ونواف وهم يضحكون

بعد ما طلعوا قرب خالد من لينا ... واول ما قرب دق جواله .. وتافف

لينا: هههههههههههههههههههه

خالد: انبسطي وافرحي ... هذا سلطان

خالد: الو

سلطان: انا ابي اعرف احد قالك ملك معي بنفس الليلة ... خربت علي كل شي... الى متى بنتظرك برا ... ابي اشوف زوجتي

خالد: ليش انت ماشفتها داخل؟؟؟ خلاص يكفي

سلطان: يا سلام انت مبسط مع المدام .. وانا يكفي ... شوف لك خمس دقايق بس ... سامعني ... خمس دقايق ... اذا ما طلعت بدخل عليكم ... تعرفني قول وفعل

خالد: هههههههههههههههه جرب وشوف ايش بيصير لك ... يالله خمس دقايق بس

وقفل السماعة ... وقرب من لينا ومسك يدها ... لك خمس دقايق بس ... قولي اللي تبينه قبل لا يدخل علينا سليطين

لينا تبتسم بهدوء وهي ميتة من الحيا

خالد: تو ل**نك هذا طوله مع اخوانك ... واحين سكتي

لينا: ............................

خالد: متى تبين ننزل نشتري الشبكة؟؟

لينا: أي شبكة ياخالد؟؟

خالد: شبكتك؟؟؟

لينا: شبكتي انا لابستها

خالد: لا يا لينا ... انا شاري الطقم هذا كهدية بس ... وشبكتك ابيها على ذوقك

لينا: ما بتكون احلى من شي انت اخترته يا خالد .. انا هذه شبكتي وما بغيرها

طالع خالد فيها باعجاب وكانه تذكر شي وفجأة سحب الشال اللي كانت لابسته وشهقت لينا من الصدمة

خالد: عرفت سالفة الشال ... رجعيه لاصحابه ... ماله داعي ... الفستان كذا احلى

نزلت لينا راسها وهي مستحية

قام خالد بيطلع ... يالله انا بطلع قبل لا يدخل علينا سليطين ... يسويها الدب

ابتسمت لينا ووقفت معه ... واول ما وقفت انتبه خالد لظهرها المكشوف

خالد: لينا ... كنتي تبين تلبسين الفستان من غير شال ؟؟؟

لينا: ليش ايش فيه ؟؟؟

خالد: ابببببببببببببد ... ما فيه شي ... تطلعين كذا للحريم

لينا: يالله خالد ... الفستان مو مرة عاري

خالد: ابد ... بس نص ظهرك طالع

لينا: لا عاد مو نصه اقل ... والفساتين كلها كذا .. والبنات كلهم يلبسون كذا

خالد: هذولي البنات مو انتي ... انتي حرم خالد عبدالرحمن ال.... مو البنات وحط يده على ظهرها وقال: ما بي احد يشوف شي من ممتلكاتي ... واخذ الشال اللي على الكنب ولبسها اياه وقال: ما تشيلينه لين تكونين بغرفتك في البيت ... فاهمة

ابتسمت له لينا: فاهمة

ودق جوال خالد وطلع لسطان وهو معصب

وبعدها دخل سلطان مع ربى وقعد معاها شوي

وطلعت ربى مرة ثانية وكملوا سهرتهم رقص ووناسة

عند باب بيت احمد ...

رؤى: تفضلوا

عبدالعزيز: وهذا وقت دخول يابنتي ... ما بقى شي على الفجر

رؤى: شكرا يا عمي وخالتي عالتوصيل ... وصكت الباب ... مشت شوي الا خالتها تناديها

هلا خالتي

مسكت منيرة يد رؤى: حبيبتي هدي نفسك ... واذا ضاق خلقك اقري لك قران ... كلام ربي بيشرح ص*رك يابنتي

رؤى: لا تحاتيني يا خالتي ... انا صرت احسن الحمد لله

ليان: ننتظرك الغدا بكرة ؟؟؟

رؤى: ما اتوقع ... اليوم سهرانين وبكرة دوام

لينا: ليش بتداومين؟؟؟ انا ما بداوم

رؤى: انتي عروس معذورة ... انا شنو عذري؟؟؟

لينا: بنت خالة العروس

الكل: ههههههههههههههههههههههههه

دخلت رؤى بيتهم وهي حابسة دمعتها لا تنزل ... اليوم وفي هالبيت اكتشفت انها حمل على كل الناس ... حتى على ابوها ... صعدت الدرج

احمد: رؤى

رؤى وهي تبتسم: هلا بابا ... انت ما نمت

احمد: معقولة انام ونور عيني برا البيت

رؤى: اسفة على التأخير ... بس تعرف حفلة ورقص لازم نتاخر

احمد: اهم شي انبسطتي؟؟؟؟

رؤى: الحمد لله

احمد: الله يرضى عليك ... لا تنامين قبل الصلاة ... ما بقى شي

رؤى: اكيييييييييييييد ... تصبح على خير

احمد: رؤى ... بالنسبة للي صار اليـ....

رؤى: بابا ... انا نسيت الموضوع ... يا ليت انت بعد تنساه ... تصبح على خير

وصعدت غرفتها ... لانها ما قدرت تحبس دموعها اكثر من كذا ... دخلت غرفتها وقفلت الباب... وانفجرت صياح ... مالي غير دموعي تواسيني ... مسكت جوالها وفتحت الجوال على تاريخ اليوم وكتبت ( كل الناس ما يحملون لي الا الشفقة )

في بيت عبدالعزيز...

دخلوا البيت وهم هلكانين على الآخر ...

كل واحد يدور على فراشه من التعب ... وعلى طول على غرفهم

بدل عبدالعزيز ملابسه واول ما وصل فراشه ... سمع دقات خفيفة على الباب

عبدالعزيز: تفضل

انفتح الباب ودخلوا فواز ووراه نواف

اول مادخلوا لف ابوهم وجهه عن الباب

راح له فواز وباس راسه: آسفين يبه ... مانعيدها

وبعده نواف: وانا بعد يبه اسف

عبدالعزيز: ................................

نواف لما شاف ابوه شايل بخاطره: صح تذكرت ... انا اسف اس اثنين

عبدالعزيز لف عليه بنظرة استغراب: ................

نواف: لا تطالعني كذا ... لاني غلطت مرتين ... فوق الغلطة طوالة اللسان

عبدالعزيز: هههههههههههههههه انت متى بتعقل؟؟؟

نواف: ما اقدر يبه ... الهبل يمشي في دمي

عبدالعزيز: ما ادري مين بيعطيك بنته ؟؟؟

نواف: كلهم يتمنون ظفري

عبدالعزيز: أي مصدق عمرك ... انا لو اقعد بنتي عندي وتبور ماعطيتها واحد مثلك

نواف: افا لييييييييييييييييش؟؟؟

عبدالعزيز: الصراحة بنتي تقعد عندي وهي مو متزوجة احسن من انها تموت

نواف: ليييييييييييييش؟؟؟

عبدالعزيز: هبالك يرفع الضغط ويسبب الجلطات

نواف: ههههههههههههههههههههههههه عادي نصرف لها حبوب مناعة

لفت انتباه منيرة ان فواز ما يتكلم معاهم ولما لفت عليه شافت لونه متغير وشكله تعبان

منيرة: فواز ... علامك حبيبي

فواز بتعب: سلامتك ... تعبـــ وما امداه يكمل جملته الا وحس انه يختنق ومو قادر يتنفس

ركضوا له عبدالعزيز ونواف

عبدالعزيز: وين دواه ؟؟؟

نواف: الظاهر نسه يحطه في جيب البجامة ... بروح اجيبه

عبدالعزيز: بسرررررررررررررررعة

ركض نواف لحجرتهم ... وعبدالعزيز يهوي على فواز ومنيرة تصيح على راسه ... رجع نواف ومعه البخاخ ... واستعمله فواز ... وابوه لسه يهوي عليه ... شوي شوي رجع لون فواز ... وشكلها عدت الأزمة ... ساعده ابوه ووصله لسريره ... وكلهم وواقفين وعيونهم على فواز ويدعون له من قلب

منيرة واقفة على راسه وهي تبكي ب**ت ... واول مافتح فواز عينه ... طاحت بعين امه وعلى طول مد يده ومسك امه وضغط عليها: لا تخافين يمه ... انا بخير ... ما عاش من ينزل دمعة من عينك

منيرة: بسم الله عليك ياولدي ... شوفتك بالدنيا كلها ... يا عل عيني ماتبكيك!!

عبدالعزيز بعصبية: انا كم مرة قايل لك ماتتحرك من غير دواك ؟؟؟

فواز: كل همي انك ما تنام وانت زعلان علي ... تبيني اذكر احط الدوا بجيبي؟؟؟

نواف كالعادة في كل مرة يتعب فيها فواز يسكت ويحس ان الدنيا بكبرها ضاقت عليه ... هو ضحكته وبهجته فواز ... ولا يتخيل حباته بدونه

منيرة: اكيد ما ريحت نفسك ياولدي؟؟؟ وقعدت تلف وتدور؟؟؟

فواز: مو واجد يمه

عبدالعزيز: أي مو واجد ... طول اليوم وهو يلف ... لان الاخ نواف ما وصل الا بعد المعازيم بعد

نواف: .............................

منيرة: واكيد ريحة البخور والعطور هي اللي هيجت الوضع عندك

فواز: شي زي كذا

عبدالعزيز: حاسب على عمرك ياولدي ... الحرص واجب

ثاني يوم الصبح ...

دخل عبدالعزيز غرفة عياله ... ولقاهم نايمين ...

قرب عبدالعزيز من فواز وراقبه ... شاف انه ملامحه طبيعية وانه نايم بس

راح لنواف وصحاه بصوت واطي: نواف .. نواف

نواف: همممممممممممممممممممم

عبدالعزيز: قوم يبه ... نواف

فتح نواف نص عين وطالع ابوه: هلا يبه ... تبي شي؟؟؟

عبدالعزيز: شخبار اخوك ؟؟؟

نواف: لا بخير الحمد لله

عبدالعزيز: ما تعب بعد ما طلعتوا من عندنا ؟؟؟

نواف: لا ابد ... نام بسرعة

عبدالعزيز: الحمد لله ... طيب يالله قوم بتتأخر على الدوام

نقز نواف وبصوت شوي عالي: أي دوام يبه!!!!

عبدالعزيز: ليش ماعندك دوام؟؟؟ ماخبري انك اجازة ؟؟؟

على الصوت فتح عينه فواز وضحك وقال في نفسه ( عارف ايش ناوي عليه يانواف ... محد ماخذ حقه في هالبيت غيرك) بس ما بين انه صاحي

نواف: يبه فواز بيداوم؟؟؟

عبدالعزيز: لا طبعا ... انت شايف وضعه ؟؟؟ شلون يداوم ؟؟؟

نواف: خلاص يبه ... انا لازم اقعد عنده عشان اتطمن على صحته كل شوي ... مايصير نتركه لحاله

هنا فواز ما استحمل وانفجر ضحك

عبدالعزيز: صباح الخير فواز ... شلونك احين؟؟؟

فواز: الحمد لله احسن

عبدالعزيز: نوافو لسه قاعد على السرير ... انقز

نواف: يبه قلت لك انا ما يطاوعني قلبي اداوم واخلي اخوي تعبان في البيت

عبدالعزيز: امك ووخواتك موجودات ... لا تحاتي

نواف: لا لا لا لا لا ... انا ما اقدر .. وبيكون بالي مشغول مع فواز ... واحتمال اصرف دوا غلط كذا ولا كذا ...

عبدالعزيز: اصلا انا غاسل يدي منك ... مستحيل تداوم من غير اخوك

نواف: يبه انت دايم تقولنا وتعلمنا شلون نحب بعض ... ولما نطبق ما يعجبك

عبدالعزيز: والله تطبق اللي يعجبك بس ... وبعدين ادري انه مو حب في اخوك ... بس اذا داومت بروحك بعدين مين يسولف ويقلب لي المكاتب قهاوي وجلسات شعبية

نواف و فواز وهم ماسكين الضحة ومنزلين روسهم

عبدالعزيز: يبه انا وعمكم مو بدايمين لكم ... لازم تتحملون المسؤولية شوي

فواز: الله يخليكم لنا ولا يحرمنا منكم يبه

نواف: بعد عمر طويل ان شاء الله ... بس بعد عينكم يبه لا تحاتي ولا تشيل هم ... عمي تركي موجود

عبدالعزيز وهو يناظر فيه: انا الخبل اللي واقف ومضيع وقتي واكلم واحد مثلك

نواف: لا لا لا لا يبه ... لا تعصب ... كل شي ولا زعلك ... بعدين بتخليني اداوم

عبدالعزيز: يعني بتقطع عمرك وبتداوم اذا قلت لك ... شوف انت وياه ... بس اليوم ما بتداومون ... بكرة ابي اشوفكم في الدوام قبلي ... مفهوووووووم

فواز: تامر يبه

نواف: عاد اذا فواز جته الحالة اليوم مابيدنا حيلة بعد

عبدالعزيز: كلام مثل الناس ما تعرف تقول ... اروح قبل لا انجلط منك

فواز ونواف: هههههههههههههههههههههههههههههههههههه

بعد ماطلع عبدالعزيز سحب نواف الغطا وتلحف يكمل نومه ..

فواز: نواااااااااااااااااااااف ... من جدك بتنام

نواف: لا بصور معاك ... طبعا بنام ... ماصدقت احصل عفو من سي السيد

فواز: قوووووووووووم ... اذا عندنا اجازة خلنا نروح نفطر برا

نقز نواف: من جدك تبي تطلع ... مو بكيفك ... تنطق وتنام لين الظهر وتريح ... فوضى الدنيا ... ناقصنا احنا تطيح علينا مرة ثانية

فواز بضيق: يعني ما تعودت على هالحالات ... المفروض ما تخاف ولا شي ويصير عندك عادي

نواف: ما تصدق كل مرة تجيك الحالة ايش يصير فيني ... احس ان روحي انا اللي بتطلع

فواز: انت كل شي تاخذه بمزح ... جت على هذا

نواف: كل شي امزح فيه الا انت ... انت روحي يا فواز ... تعرف ايش يعني روحي ...

فواز: مو منك ... هذا كله لانا توام ... يعني من ربي ... ولا انت ما اتوقع في شي يخليك تحس

قام نواف وقعد على اخوه ويض*به ويكفخه وصوتهم واصل للشارع ...

على صوت الصراخ والازعاج وصلت منيرة الغرفة وهي خايفة واول مادخلت وشافتهم ارتاحت من قلب ...

منيرة: انت وياه متى بتكبرون؟؟؟؟

نواف لف عليها: يمه ... ابوي قلبك علينا ... صرتي تعيدين كلامه ... توه معطينا محاضرة ومخلص

منيرة: ليته يفيد فيكم ... الصراحة احاتي عيالكم ... اذا انتوا لسه كذا .... عيالكم ايش بيطلعون ؟؟؟؟

فواز: بيطلعون عسسسسسسسسسسسسسسسسل ...

نواف: اكيييييييييييييييييييييد مو عيالنا؟؟؟

منيرة: الله يبلغني في هاليوم يا رب

نواف: اه ... مدام سمعنا هالموشح معناته في سالفة عرس

منيرة: جبتها يانواف ... هذا الموضوع اللي ابي اكلمكم فيه

نواف: يمه عرس مابعرس ... ابي اصير مثل عمي تركي ... عايش مرتاح ومبسوط ومكيف عالاخير

منيرة: انتوا سمعوا السالفة للاخير وبعدين تكلموا

وقالت لهم منيرة سالفة رؤى في بيت ابوها كلها ...

منيرة: والله انا هالبنت كاسرة خاطري ومقطعة قلبي ... وما راح ارتاح الا اذا شفتها مرتاحة ومبسوطة

فواز: يمه ... رؤى هي حساسة بزيادة ... واقل شي ياثر فيها

منيرة: وانتوا مو مقصرين فيها مسكينة ؟؟؟

فواز: نمزح يمه نمزح ... والله ما في قلبنا لها الا الخير

منيرة: واحين ابي واحد منكم يتزوجها ... مو بالغصب بس اللي مقتنع فيكم يتزوجها...

سكتوا اثنينهم فترة ...

وفجأة: انا بتزوجها يمه

التفت فواز على نواف: من جدك تبي تتزوجها ... والله تموت البنت عندك

نواف: ايه يمه ... ابيها روحي اخطبيها لي

فرحت منيرة من قلبها: الله يجزاك خير يمه ... فرحت قلبي ... واسعدتني

نواف: دوووووووووووووووووم يمه مو يوم

طلعت منيرة من عندهم وهي طايرة من الفرح...

بعد ماطلعت منيرة...

فواز: نواف ... من جدك بتتزوج رؤى ؟؟؟

نواف: ايه ايش فيها؟؟؟

فواز: ابد ما فيها شي ... بس انت طول اليوم تناجرها ... ولا تطيق تسمع اسمها ... ودايم عندك انها تتدلع

نواف: الفكرة نفسها ما تغيرت

فواز: نواااااااااااااااااااااااف ... شلون تبي تتزوجها اذا كذا ؟؟؟

نواف: عناااااااااااااااااااد فيها ... عشان مرة ثانية تتأدب وما تتشمت فيني ... وترسل مسجات مثل وجهها

فواز: لا مو صاحي ... امي تبي تزوجها عشان تريحها وانت هذا تفكيرك

نواف: لا انا بعاملها بالحسنى بس اول شي بأدبها

فواز: مستحيييييييل اخليك ... البنت يتيمة ومالها احد ... مسكينة حتى في زواجها ماتتهنى

نواف: انت اسكت وما عليك

فواز: شلون تبيني اسكت ؟؟؟

نواف: طيب اسكت خلنا نشوف ايش يصير ... يمكن البنت ماترضى!!!

فواز: واذا رضت ؟؟؟ ما راح ارضى بالظلم يانواف ... فاهمني!!! كل شي الا الظلم