NIKAY
Pagdating sa bahay ay agad kong pinaliguan si Nathalia. Tuwang-tuwa naman ito habang nilalaro ang tubig. Pagkatapos paliguan ay agad ko itong binihisan at isa-isa tiningnan ang mga pinamili naming dalawa. Excited nga nitong sinukat isa-isa ang damit na binili ko para rito kaya pinagbigyan ko ito.
Pagkatapos magsukat ay nahiga ito. Dala siguro ng pagod ay mabilis itong nakatulog. Habang tulog si Nathalia ay bumaba ako at pumunta sa laundry area para labhan ang mga pinamili ko. Medyo marami rin ito at hindi ko na pwede ipagpabukas dahil pupunta kami ng pamangkin ko sa Mik-Mika's Kitchen.
"Nako, Ma'am Nikay, ako na ho ang bahala maglaba riyan." Akmang aagawin ni Rita ang powder na hawak ko pero agad ko itong inilayo sa kanya.
"Kaya ko na ito, Rita. Hindi naman marumi ang mga ito
