NIKAY
Maaga akong bumangon kahit weekends. Hindi kasi ito tulad sa bahay namin sa Pilipinas na kahit anong oras ay pwede ako gumising. Nasa ibang bahay ako at hindi ko pwede dalhin ang nakaugalian ko sa Pilipinas dito.
Paglabas ko ng silid ay wala pang tao sa sala. Sigurado rin na maaga umalis ang mag-asawa para pumunta sa restaurant. Kaya naman ay sinamantala ko habang tulog pa si Yandall at Yuan. Naglinis ako sa buong bahay. Pagkatapos maglinis ay nagluto ako ng breakfast para paggising ng dalawa ay may almusal na sila. Pagkatapos ko magluto ay lumabas na ako ng bahay. Hindi na ako nagpaalam sa dalawa dahil alam naman nila kung saan ako pumupunta kapag weekends.
Mabilis kong niyakap ang sarili ko. Palamig nang palamig ang temperatura. Kahit pa'no ay nakapag-adjust na ang katawan ko
