NIKAY
After I sang, I went back to the table of my classmates. Hanggang matapos ang party ay dito lang ako dahil kapag lumipat ako sa mesa ng mga magulang ko, masasaktan lang ako. Heto nga at parang gusto ko na lang maglaho sila sa paningin ko dahil halos maghalikan na sila sa sobrang lapit ng mukha nila sa isa't isa.
Sinusubuan ni Ate Nikki si Thaddeus ng pagkain. Buti pa sila, ang saya nila. Samantalang ako, parang binabaon sa hukay ang puso dahil sa nakikita ko. Kahit gusto kong huwag sila tapunan ng tingin ay hindi ko magawa. Parang gusto ko pa saktan ang puso ko sa ginagawa ko.
Hindi ko na masikmura ang nakikita ko kaya tinuon ko ang atensyon sa wine glass na wala ng laman. Nagpalinga-linga ako at hinanap ko ang waiter. Wala na kasi laman ang bote ng wine dahil bukod sa hindi lan
