Kanina pa hindi mapakali si Shayna dahil kanina pa niya ramdam ang mga tingin na ibinabato sa kanya ni Kaia. At hindi lang iyon ang dahilan kung bakit tila sinisilihan siya. Pagkalapag na pagkalapag niya sa mga pagkain sa mesa ay nakita niya kaagad na naglagay si Kaia sa plato ni Carson. Tila sinasadya pa nitong bagalan ang pagkilos para mapanuod niya ang lahat ng ginagawa nito. Hindi tuloy niya alam kung sasabay pa siyang kumain sa mga ito gaya ng nakasanayan niya.
"Bakit, Shayna? Nahihiya ka na bang sumabay sa almusal ngayon?"
"Ahh, Ma'am..."
Gusto sana niyang sabihin na hindi na lang siya sasabay ngunit naunahan na siya nito.
"On the other hand, huwag ka na ngang sumabay."
"Kaia..."
"Ma'am..."
Nagkasabay pa nilang sambit ni Carson. Napatingin tuloy siya rito at nabasa niya sa
