Joey's POV
Lintek ang sakit ng ulo ko. Ano na naman kaya ang nangyari. Wala akong maalala, bwiset. Unti-unti kong iminulat ang mga mata ko at bumungad sa akin ang puting kwarto. Asan ako? Napatingin ako sa tabi ng kamang hinihigaan ko nang maramdaman kong may nakahawak sa kamay ko. Nakita ko si Sky na nakatungo sa kama, natutulog ata.
"Hoy Sky gising" niyugyog ko pa siya.
"uhmmm"
"Hoy gising"
"hmmmm" badtrip to kung matulog kala mo mantika.
"hoy gumising ka kundi tatadyakan kita" hinampas hampas ko pa yung pisngi niya. Nasaktan ata nagising bigla eh.
Nakatingin lang ang loko sa akin na kala mo hindi makapaniwala sa nakikita. Problema nito.
"Problema mo?" kunot-noong tanong ko sa kanya. Naupo ako sa kama at sumandal sa headboard, nakakangalay palang humiga.
