Matapos ang nangyari sa receiving area ay dumalang na ang pagkukrus ng landas nina Marifer at Magnus. Pakiramdam ni Marifer, sa tuwing pumupunta ang Beta ni Bjourne sa kastilyo ay kusa na itong umiiwas sa kanya na animo'y halos ayaw man lang siyang makita. Isang bagay na hindi nagugustuhan ni Marifer. Kung tama man ang kutob niyang may kinalaman si Bjourne sa biglang pagbabago sa kanya ni Magnus, sigurado siyang masisigawan talaga niya ito kapag nagkataon.
Hindi niya makumpirma ang hinala niya dahil ilang araw nang wala si Bjourne sa Vourden at ang huli nilang pagkikita ay noong parusahan siya nito sa receiving area, kung tama ba talagang tawaging isa iyong parusa. Though, seems like it's working. Dahil magmula nang mangyari iyon ay halos hindi na siya nagpupunta sa bahaging iyon ng kasti
