“Labas kaya tayo ng bansa? Tipong tayo lang dalawa para makapag-honeymoon naman tayo ng matagal-tagal at solo lang nating dalawa.”
Nahinto ang paghakbang ko patungong dining area marinig ang suhestiyon ni Daddy kay Mommy.
Ang laki talaga ng pinagbago ng relasyon nila lalo ng ugali ni Daddy.
Mula sa pagiging battered wife ni Mommy ay heto at reyna kung tratuhin siya ni Daddy.
Kung sanang noon pa lang ay nagkaintidihan na sila ay baka sakaling nabuhay ang isa ko pang kapatid na mas matanda kay Eros.
Madalas nga laging sinasabi ni Mommy na kung sanang nabuhay ang isa pa niyang anak ay mas masaya siguro kami rito sa bahay at mas maingay.
Pero dahil nga pinatunayan naman ni Daddy na nagsisisi siya sa mga nagawa niyang kasalanan kay Mommy ay natanggap na rin namin na kasama siguro sa buhay
