“Sinon nag-utos sa inyo para sugurin ang bahay ni Dark Lee?” tanong ko sa isang lalaki na ngayon nakapinid sa pader habang ang hawak kong matalim na patalim ay nakaumang na sa kanyang leeg.
Ngumiti ang lalaki sabay agos ng dugo sa gilid ng kanyang bibig.
Nakatanggap ako ng impormasyon kay Sir Agaton na may mga nagmamatiyag na naman sa paligid at mukhang nagbabalak na naman ng hindi maganda sa nag-iisang kapatid ng nanay ko.
Wala akong inaksayang oras hindi ko na pinahirapan pa ang mga taong naghahanap kay Uncle Dark Lee at ako na mismo ang sumalubong sa kanila.
“Wala kang makukuhang impormasyon sa akin! Maraming nais na pumatay sa pesteng Dark Lee na yan dahil masyadong siyang mayabang! Dapat lang na mamatay siya!” asik ng lalaki na hindi kakikitaan ng anumang takot sa kanyang mukha.
