Ilang minuto na simula nang pumasok sa silid si Caleb, nang silipin ko ito sa loob ay mahimbing na itong natutulog. Magagaan ang hakbang na tinungo ko ang closet at kumuha ng damit. Mabilis lang akong naligo at maging nang matapos akong magbihis ay maingat pa rin ang mga galaw ko, ayokong magising ang kasama ko dahil lalabas akong mag-isa.
Anong akala niya? Maikukulong niya ako dito? Although nakakaramdam ako ng kaunting guilt dahil nangako ako rito kanina na hindi lalabas kung wala ito, but to hell I care? Ito na ang chance na hinihintay ko para ma-enjoy ko naman ang bakasyon kong walang bumubuntot sa akin. Sinipat ko muna ang paligid bago tuluyang lumabas, nakahinga ako ng maluwag nang walang tao sa hallway. Sinigurado ko munang naka-lock ang pinto bago mabilis na tinungo ang elevator,
