“Wow!” Namangha siya nang makarating sila sa lugar ni Petra. Ang nararamdaman niyang pagod mula sa mahabang biyahe ay bigla na lang nawala dahil sa sobrang ganda ng mga nakikita niya.
'Yong sasakyan niya ay iniwan nila sa kakilala kuno nito pero kailangan nilang magbayad ng upa buwan-buwan para sa parking no'ng sasakyan niya.
Hindi kasi kakayanin ng sasakyan niya na pasukin ang lugar na ito ni Petra lalo pa't tumawid sila sa ilog kanina bago tuluyang nakarating sa bahay nito.
Salamat sa kakulitan niya dahil kung hindi ay wala sana sila ngayon dito sa napakagandang lugar na 'to.
“Wow!” namamanghang bulalas ng Yaya niya na hindi alam kung saan ito pupunta. “Sobrang ganda naman dito, Petra! Naku! Hindi na ako uuwi sa bahay ni Jordan dahil magpapaiwan na ako rito.”
“Akala ko ba walang ku
