“Mang Kanor, ang aga niyo naman yatang gumising.” Pag-alis na pag-alis kasi ni Jaiyana ay ito naman ang pumalit. “Namamahay po ba kayo?”
“Hinintay ko lang na makaalis siya bago ako lumapit sa iyo. Nakakahiya naman kasi kung sisingit ako sa inyong dalawa.”
“Narinig niyo po ba ang mga pinag-usapan namin?”
Umiling ito. “Hindi. Pero, base sa mukha niyong dalawa ay mukhang seryoso ang pinag-uusapan niyo. Nililigawan mo na ba siya? Kayo na ba?”
“Hindi po. Hindi ko po siya nililigawan kaya hindi po kami.”
“Ay, talaga?”
“Opo.” Inabutan niya ito ng alak pero hindi nito tinanggap iyon dahil baka atakihin daw ito ng hika.
“Hindi ko talaga ma-imagine na iyong babaeng kinatatakutan natin dati ay sobrang ganda pala. Akala ko talaga galing siya sa lupa para maghasik ng lagim. 'Yon pala, hulog siya
