071
—All Filipino Chapter—
(there was an all english translation below this all filipino chapter. This all filipino part was intended for the story.)
Pinilit kong baliwalain ang mga nalaman ko at ang laman ng panaginip na 'yon. Bumangon ako at umaktong tila normal tulad dati. Pero hanggang sa makapasok ako ay binabagabag ako ng tunay na nangyare sa babaeng iyon.
"Arianna, sabihin mo nga sa akin kung ano pang alam mo tungkol sa babaeng pinatay sa bahay namin,"
Kasalukuyan kaming nasa bench, nagpapahinga mula sa activity sa P.E.
"Hala, beh, naniniwala ka na?!"
Tumango na lamang ako.
"Minulto ka ba?!" Hinarap ako nito, gusto ko siyang sawayin dahil sa excitement sa tono niya. Walang nakaka-excite doon! "Ang alam ko, 2003 siya pinatay. 16 years ago na, malapit ng mag-17 sa December."
