NAPAGPASYAHANG sorpresahin ni Raven si Andrew sa ospital nang araw na iyon. Minsan nang nanorpresa ang binata. Alam niyang wala itong naka-schedule na operasyon dahil nagtanong siya noong magkausap sila sa telepono. Dalawang araw na rin mula nang huling beses silang nagkita. Tinawagan niya si Garrett para hilingin na baguhin ang schedule ng follow-up check up niya. Sasamantalahin na niya ang pagkakataon habang nasa ospital siya. Naging dahilan din niya ang follow-up check-up para maka-absent sa trabaho.
Inuna muna ni Raven ang check-up niya kay Garrett. Maayos naman ang kanyang paghilom. Walang nakikitang problema o magiging complication. May mga bilin ang kanyang doktor pero hindi niya gaanong maintindihan dahil masyado na siyang sabik na makita si Andrew.
Tatawagan na sana ni Raven si
