NAGISING si Alana na masakit ang ulo nang araw na iyon. Noong una ay hindi niya gaanong pinansin. Inisip niya na lilipas din iyon katulad ng mga nangyayari sa nakaraan. Noong hindi na niya kayanin ay uminom na siya ng pain reliever. Nabawasan lang nang kaunti ang p*******t ng kanyang ulo. Nagkataon na kasama niya sa bahay si Ma’am Bernadette at kaagad nitong napansin na mayroon siyang iniinda. Tinawagan kaagad nito si Andres. Ipinayo ng binata na pumunta sila sa ospital para masuri siya nang husto.
Hindi na nagprotesta pa si Alana. Dalawang araw na ang nakalipas mula nang dalhin siya ni Andres sa bahay ng mga ito. Ilang beses na silang nagpalitan ng text messages pero hindi pa muling nagkikita at nagkakausap. Bukod sa gusto niyang ikonsulta ang nararamdaman, gusto rin niyang makita ang bi
