Tumahimik ang buong hallway nang biglang bumukas ang elevator. Ilang segundos lang, nag-unahan ang mga camera flashes, mga pulis, at ang mga board members na kanina lang ay parang mga estatwa sa tensyon.
Ilang sandali pa ay inilabas na ang nakaposas na si Bianca at hawak na ng isang babaeng pulis. Nakatulala lang siya habang nakatingin doon at hindi makapaniwala na tapos na ang lahat.
Pero bago pa man ito tuluyang dalhin palabas ng building, nagkatinginan silang dalawa, alam niyang may ibig sabihin ang tingin na iyon ng babae sa kanya. Nabanggit ni Yael na maging ang ama nito ay magsasampa din ng kaso, una para sa pagnanakaw nito sa kompanya at para sa pagtatangka nitong paglason sa asawa. Nakakakilabot ang titig ng babae matalim, puno ng galit, at nakakatakot na parang halimaw na nawala
