تايجر احب ملاك

part2

نامت من كتر التفكير والتعب وياتري الايام مخبيلها اي..

دخلت الشمس ف غرفتها تعلن عن يوم جديد وصباح يبدأ عندها بالصلاه ....

قامت ملاك من سريرها متعبه دخلت الحمام تتوضي وتصلي الصبح....

ملاك ....ياربي كل ده نوم راحت.عليا نومه ومصلتش الفجر أمتي ربنا يتوب عليا بقا أستغفر الله العظيم...

لبست اسدالها وفرشت سجاده الصلاه تأدي فريضتها

بعد انتهاء من صلاتها لبست فستان طويل بلون الكشميري يتوسطه حزام اسود ونزلت تصبح علي باباها...

ملاك ..صباح الخير يابابا ...

الاب بصوت رخيم ..اهلا لبسه كدا ورايحه فين...

ملاك ف سرها نفسي مره ترد الصباح..يلا مش مهم...

رايحه الكليه يابابا عندي محاضرات بدري ...

الاب طب يااختي مع السلامه ..

طلعت جري ما صدقت تخرج...وقبل ما تفتح الباب سمعت صوت اكتر حد بتكرهه ف حياتها...

اي متسربعه كدا علي فين ...

لويت بوقها وهي تقول...هكون رايحه فين يامرات ابويا اكيد الكليه ولا حضرتك نسيتي اني ف كليه الطب ..

مرات ابوها...لا منستش ومش هتفطري بقا ولا مستعجله .

سبيها ياماما اصل البرنسيسه مش بتاكل غير مع صحبتها...

الاتنين بصوا لمص*ر الصوت كان يأتي من ريم بنت مرات ابوها ..

ملاك بحده ..ايوه يعني عايزه اي ولا اقولكم انا مش فاضيه للكلام ده انا رايحه الكليه احسن...

مرات الاب ...شوفت بنتك قليله الادب مشيت ازاي ورزعت الباب وراها...

الاب ......خلاص يانعمه اهي غارت تعالي بقا نفطر.علي رواق ..

نعمه بقرف..طيب يا اخويا جايه اهو وبصت لبنتها يلا انت كمان عشان تفطري وتروحي كليتك مش عارفه هتخلصي أمتي منها؟!!!...

ريم...اعمل اي بس ياماما الكليه مش عايزه تستغني عني.هههه

نعمه...طب ياروح امك عارفه اخر مره دي لو بلطي فيها انا بقي هشوف شغلي معاكي...

ريم بخوف حاضر حاضر ...

سعيد..ماخلاص بقا انتو الاتنين عشان الاكل هيبرد..

نعمه وبنتها ف صوت واحد .....خلاص جاين اهو .

_______________________________________

القمر اللي قاعد لوحده ولا همه

التفت علي الصوت .. وصرخت

ملااااك فينك كدا ياكلب البحر..

هكون فين يعني ياريناد لسه واصله اهو المواصلات زحمه ربنا يف*جها علينا بقا ههههه وخدو بعض بالحضن...

ريناد بصوت حنون ...مالك ياملاك مش عجباني اليومين دول..

ملاك بصوت مخنوق من العياط...هقولك اي بس ياصحبتي ماانتي عارفه كل حاجه..ومرات ابويا ولا بنتها...

ريناد بنظره غامضه...طب اقولك حاجه تعرفي أن ريم صعبانه عليا اوووي

ملاك باستغراب...نعم صعبانه عليكي ازاي بقا؟!!!

ريناد بتتويه عادي يعني عشان طلعت ملقتش اب وام كمان حقوده ف شخصيتها اطبعت كدا....

ملاك.بعدم اقتناع ....مممممم طب يلا يااختي نلحق المحاضره وتكتفي من هذا القدر ف التحليل النفسي بتاعك لريم..هههه

ريناد بتأكيد ...هتفهمي كلامي بعدين..

ملاك...بصتلها برفعه حاجب ...افهم اي؟!

ريناد بسخط ...اي بتبصي ليه كدا وكمان يابت متنسيش اني بكره ان شاءالله هكون اكبر دكتوره مخ واعصاب ونفسيه كمان يعني علم النفس دي لعبتي.....وراحوا يحضره محاضراتهم وهما بيضحكه.....بس ياتري الايام مخبيه اي ليهم هما الاتنين.....

$$_______________________________________$$

ف اخر بلاد نلاقي صوت زعيق وشخط وتحديدا في اكبر شركه استيراد وتصدير..ف لندن بس في الشركه دي من جميع الجنسيات مصرين علي اجانب ومنهم بيتكلموا عربي .

يعني اي ملف كبير زي ده يختفي ليه مشغل معايا شويه بهايم...

الموظف ....ياباشا اصل اصل...قاطعه بصوت عالي خوفه..

انت لسه هتأصصلي...أنجز فين الملف المفروض يكون علي مكتبي هقابل ازاي الوفد كدا...اتفضل دور عليه مترجعش غير وهو معاك ..وبصوت هز الجدران المكتب مفهوووم..

الموظف ..مفهوم مفهوم يافندم...وطلع يجري ف من يجرئ علي زئب الاقتصاد يهابه الجميع ...رمي نفسوا علي كرسي المكتب بأرهاق شديد يلعن ف سره هذا الموظف المُهمل من وجه نظره..وهو مغمض عيونه سمع خبط علي الباب..

...اتفضل....

السكرتيره.بأحترام....ف عميل من شركه تكنو للاجهزه الالكترونيه بيقول أن عنده ميعاد مع حضرتك يافندم...

....بصوت مرهق...اجلي الميعاد قاطع كلامه بدخوله المميز ..

بص السكرتيره ببردو متلغيش حاجه بس قوليلوا ينتظر شويه ونعمل اجتماع بعد نص ساعه..روحي انتي ياچاكلين..

چااكلين..تحت امرك يافندم.ومشيت تبلغ العميل ..

بص وراه لقه اللي بييصله برفعه حاجب وساكت..

ردله نفس البصه بنفس رفعه الحاجب..واتكلم انت اهبل ولا اهبل؟!

وليك عين تهزر ياأخي ياأخي بردوك ده..وكمان جاي ليه ها مش كنا متفقين علي بعد يومين الاجتماع ده انا تعبان جدااا ياصحبي...ههه لا تقلق اكيد مش هنطق اسمك مش مستغني عن عمري يعني..

....لا برافوا بتفتكر بسرعه اهو...يا يازئب.هههههه

طب اي انت هتقود الاجتماع ده اشطا...

ف حد ف مركزك ده يقول اشطا...

___بصله برفعه حاجب اه انا عندك مانع..

...بنظره مميته وبصوت بارد ...زياد انت فاضي...

زياد فهم معني كلامه كويس ورد بسرعه لالالاا فاضي اي بس ورايا اجمتاع احنا هنلعب ولا ايي

ضحك علي صحبه اللي علي طول بيفهمه من نظره عنيه...

زياد ....

التفت ليه ف اي ياصحبي

---انت اللي هتحضر الاجتماع لوحدك

بصله بصدمه ليه بس ماانت متنكر اهو ومحدش هيعرفك..

انا قولت انت اللي هتقود الاجتماع..

زياد..طب ليه..

... انا ليا غرض من ده...وتابع بتنهيده عشان نخلص ياصحبي...

زياد طبطب علي كتفه هنخلص متقلقش انت وكل حاجه هتعدي..

.هو بغموض...الصفقه دي لازم ن**بهاا..

زياد بحزن علي صحبه ...روح انت وزي ما قولتلك متقلقش وهتخلص بأسم شركتنا ده وعد ياصحبي..

_______________________________________

نرجع لمصر الحبيبه

انا جعانه....كان صوت ملاك داخل المحاضره .

ريناد بصدمه ..نننننعمممممم ياعنيااا امال مين يابت اللي لسه ضارب خمناشر سندوتش قبل ما ندخل المحاضره..

ملاك بصوت بريئ...أخص عليكي يعني مكولش..

الانسات اللي وراه دول ممكن افهم الصوت العالي ده سببه اي؟!

كان صوت الدكتور بتاعهم...

ايوه انتو بتتكلموا ف اي؟!

ريناد.بخوف..اصل اصل اه صحبتي تعبانه شويه وبتقولي لو معاكي مسكن اه يادكتور هو ده اللي حصل ..

ملاك بصوت منخفض....اده ياابنتي دنا نفسي اقتنعت اني تعبانه الله عليكي يافخر التمثيل...

نغزتها ف جنبها عشان تسكت اسكتي شويه ياملاك هتفضحيناا..

الدكتور الانسه اللي جنبك دي تقوم توقف كدا...

ملاك بتريقه اي هو اصله ده فاكرنا في مدرسه..

لا ف كليه ياريتك انتي بس تتعاملي علي الأساس ده..

ملاك بصدمه اده حضرتك سمعتني....

صوتك كان عالي يزفته وضربتها علي دماغها...

ملاك اه براحه ياجزمه ياريناد.

..اطلعوا بره انتو الاتنين مطرودين من محاضراتي.

ريناد بصوت باكي..اسفين يادكتور..

قولت بره قاطعها الدكتور بغضب...

ملاك...بره بره هتطردنا من الجنه ياأخي .

صوت ضحك عالي ص*ر من زمايلها ف البنش..

الدكتور بغضب اكبر بتقولي اي ياانسه..

ملاك ببرود ايوه ايوه انا هذا الشخص اللي بيبرطم ف اي حوار مهم شغال...

الدكتور بعصبية...هاتي الكارنيه بتاعك أنت محرومه من محاضراتي طول السنه ..وبص لريناد وقالها اتفضلي انتي علي جوه ..

ملاك.اي الظلم ده...

الدكتور بخبث.. ايوه انا هذا الشخص الظالم...

طلعت ضحكه شقيه منها وقالت قلبك ابيض بقا يادكتور دانا الاولي كل سنه علي الدفعه يرضيك اتطرد كدا؟!

الدكتور عشان الاولي لازم تلتزمي مينفعش اللي عملتيه ده

ملاك...طب اخر مره السامح بقي .

الدكتور بضحكه ساحره..اتفضلي ومتتكررش ..

_________________________________$_$

الحمدلله كلت هروح بقي علي الكليه...

يارب يااختي تخلصي ونخلص بقي ...

ف اي ياماما ما براحه

انتي كمان ليكي عين تردي ياحيوانه انتي.

ريم بصوت مخنوق..وبنظره غامضه ..هنخلص أن شاءالله

نعمه..بتبصلها وهي ماشيه وقالت قصدها اي البت دي يلا مش مشكله المهم تخلص السنه دي بقا..واجوزها مش كانت اتجوزت الواد زياد كان زمانها دلوقتي عايشه ف هنا ..

______$$$$$$_______________________

يلا نروح بقا انا تعبت..

ريناد يلا بس غريبه تروحي دلوقتي ..

ملاك ولا غريبه ولا حاجه ريم مش ف البيت عشان زمانها ف المحاضره عندها محاضره متأخر وبابا علي القهوه ومفضلش غير مراته هدخل ومش هحتك بيها مش طالبها والله..هههه

ريناد ..انت ليكي الجنه يابنتي عشان مستحملاها. .ههههه وكملت كلامها...ملاك هو هو يعني ينفع يعني...

ملاك بمقاطعه اي هو اللي ينفع يعني متتكلمي يابت ثم غمزتها بعيونها ولا السؤال بخصوص اللي خاطف قلبك..هههه

ريناد ب**وف وخجل..بس بقا وأيوه مفيش اخبار عنه...

ملاك بتنهيده وحزن والله يارينو ما عارفه اقولك اي حتي الاتصال اللي كان بيحصل كل يومين او كل أسبوع مبقاش يحصل غير شهرين ..ودمعه فرت من عيونها وحشني اوووي ياريناد هو الوحيد اللي كان بيهون عليا بس اقول اي الحمدلله انا هتصل بيه وأبقي اطمنك ياجميل..

ريناد بنغصه ف قلبها ...تفتكري نسيني ولا...

ملاك بغضب متكمليش ياريناد انت عارفه اخويا بيحبك ازاي ثم طبطبت عليها بحنان متقلقيش يارينو زياد ممكن يكون عصبي ومبين مش بيهمه حد بس الا أنت عنده هكلمه واقولك اخر الاخبار ..

ريناد بفرحه احلي بيست دي ولا اي وحضنتهااا.ومشيوا كل واحده علي بيتها....

بتفتح الباب بالمفتاح وبتدعي أن مرات ابوها متكنش ف البيت هي مصدعه لوحدها ....

بس مش دايما تاتي الرياح كما تشتهي الأنفس..

نعمه بقرف انت جيتي حمدالله علي السلامه..

ملاك عشان تخلص منها رديت بسرعه ودخلت غرفتها .

نعمه دخلت وراها بت انتي مش بكلمك يبقا توقفي ..

ملاك بتعب مرات ابويا انا تعبانه وجايه هلكانه مش فاضيه لخناق.

نعمه بصوت عالي وزعيق انت مش محترمه اصلا وابوكي معرفش يربيكي انا بقي هربيكي ياوس***

ملاك بعياط انا محترمه غصب عنك وعن اي حد..مكملتش الكلمه ولقيت نعمه نازله عليها بالضرب وشد شعرها وصوتها جايب اخر الشارع..

ابوها جاي من بره علي صوت الزعيق اي ف اي مالكم...

نعمه البت بكلمها يااخويا مش عجبها الكلام لا وبترد عليا.

سعيد..الكلام ده مظبوط ياملاك...

نعمه...شوف اقوله اي يقول اي يعني هكدب عليك يا سعيد..اهئ اهئ اهئ بتعيط بتمثيل...وكملت كلامها مش عارفه هي مش طيقاني ليه اعتبريني امك حتي...

ملاك بعيون حمره من الغضب...امي انت متنفعيش تكوني ام اصلا وامي دي متجبيش سيرتها تاني علي لسانك .

ابوها شد شعرها وضربها انت واحده اصلك مش محترمه وعايزه تتربي من اول وجديد وعقابا ليكي مش هتروحي الكليه تاني هسحب ورقك وتقعدي ف البيت خدامه...ورزع الباب وراه ومشي.

نعمه بصتلها بتشفي..وغل احسن خليكي اخدميني انا وبنتي وسابتها بتعيط ومشيت....

ملاك ف نفسها بحسره...اعمل اي ياربي وبعدها فكرت وعزمت علي فكرتها وعلي تنفذها...

__________________________

ياتري اي هي الفكره اللي فكرت فيها ملاك؟!

وياتري فعلا زي ماقالت ملاك لصحبتها أن اخوها لسه بيحبها ولا؟!

وريم اي حدوتها ف القصه؟!

كل ده هنعرفه ف الحلقات القادمه ان شاءالله

انتظروني....