Isang inosenteng ngiti ang ipinukol ni Matthew sa dalaga nang bumaling ito ng tingin sa kanya. Bumitaw siya sa pagkakahawak ng kamay nito at isinilid ang palad sa kanyang bulsa. Sa pagkunot pa lamang ng noo ni Jho, nahuhulaan na niya ang mga katagang sunod nitong bibigkasin.
“Have you met Warren before? Bakit alam mong siya ang unang nakipaghiwalay sa’kin?” nagtatakang usisa nito.
He shrugged his shoulders and blinked, “Hinulaan ko lang,” pagsisinungaling niya at tuluyang tinalikuran ito. “Hinihintay ka na ni Natasha sa dressing room. Better go and prepare yourself.”
Maagap siyang naglakad palayo bago pa makapagsalita muli ang dilag. Kasabay nito ang pagbabalik-tanaw niya sa mga nangyari walong taon na ang nakalilipas. Kung paanong halos baliktarin niya ang lahat ng sulok ng unibersid
