"Duke! Dreau! Drei! Nasaan na kayo? Narito na si Nanay!" Tawag ko sa tatlong bata na ewan ko kung saan na naman nagtago. Ganito sila kapag uuwi ako ng bahay galing sa pamamalengke ng mga kailangan sa aming munting sari-sari store. Paborito nila akong pagtaguan o kaya naman ay gulatin.
"Nasaan na kaya ang tatlong bata na mababait? Bahala nga sila kung ayaw nilang lumabas sa kung saan sila nagtatago. Ako na lang ang kakain at uubos ng mga dala kong pasalubong para sa kanila." Litanya ko habang dahan-dahan na naglalakad at pasimpleng naghahanap sa mga posible nilang pagtaguan.
"Labas na kasi tayo. May pasalubong si Nanay."
"Huwag kang maingay. Baka marinig niya tayo."
"Huwag kayong maingay."
Naririnig ko ang mga mahina nilang bulungan habang nag-aaway na huwag maingay. Hindi nila alam na
