Sabi ni Lally walang lalaki ang sasabay sa romantic trip ng isang batang babaeng kagaya ko. Lagi akong naniniwala kay Lally kase lagi siyang tama pero ngayon mukhang mali siya.
Sabi nga nila, expect the unexpected. Pero sa tingin ko, mas masarap pa din na mahulog ang lahat kaayon ng expectations mo. Best feeling 'yon!
"Aaaaaccckkkk!! Abby, seryoso?!!" Hinampas-hampas pa ako ni Aerah nang sabihin ko sa kaniya ang nangyari kanina sa food truck.
Nasa cafeteria kami ngayon at wala pa sila Glessie at Lally kaya naman agad kong ikinuwento kay Aerah ang lahat palibhasa ay alam kong susuportahan niya ang kalandian ko. Siya lang ang mapagsasabihan ko nito.
"Huwag kang maingay, baka dumating si Lally at Gles," saway ko sa kaniya. Alam na naman niya na wala pa akong balak na sabihin kay Lally
