Chapter 46:
Nadagdagan ang kalaban niya, hindi lamang ang pag-ibig niyang hindi masuklian, kun’di pumasok sa sistema ang selos na naramdaman niya sa tuwing tumatawag si Celine. Hindi naman niya ito nararamdaman noon, subalit ngayon na buo na sa sarili niya ang tunay na naramdaman para sa Amo niya ay palaging sumisilip ang selos na pilit niyang kinikimkim.
Maaga siyang nagising at pinahanda ng kaniyang Amo dahil tutungo sila sa isang pagpupulong kasama ang mga kasapi ng Dark Mafia Organization. Sinabi niya sa Amo niya na hindi naman kailangan ang presensiya niya roon, subalit nagpumilit ito at gusto nito na makita sila ni Celine. Bilang parte ng kaniyang pagiging pekeng girlfriend ng Amo niya ay hindi na siya kumontra pa.
“Mamaya, kapag may tumitig sa iyo ay tumitig ka rin sa kanila. Don
