ELIZABETH
Natamaan ako sa sinabi ni Ferdinand at napagtanto kong simula pagkabata ni Serenity at hanggang ngayon ay hindi pa rin nagbabago ang malamig kong trato sa kaniya. Kumikirot ang puso ko dahil naging mabuting ina ako kay Zoe, pero sa panganay kong anak ay naging toxic ako sa kaniya.
Kinuha ko ang litrato ni Serenity noong bata pa siya at impit akong napaiyak ng makita ko kung gaano kalungkot ang kaniyang mukha ng i-celebrate niya ang kaniyang fourth birthday. Ang dami kong pagkukulang sa kaniya at sobrang kapal ng mukha ko dahil ako pa ang may ganang magalit sa aming dalawa.
Naalala ko noon, nakiusap siya sa akin dahil gusto niyang ako ang magsabit ng medals sa kaniya pero tumanggi ako at sinabi kong busy ako sa araw na iyon kahit hindi naman. Pumunta ako sa araw ng recognition
