ELIZABETH
Masaya akong makitang nakangiti ng malawak si Serenity. Iba ang kislap ng mga mata niya at nararamdaman ko talaga kung gaano siya kasaya ngayon.
"Anak, bagay ito sa 'yo. Isukat mo dali," excited kong sabi sa kaniya.
"Sige po, pasok lang ako sa loob ng fitting room."
Pagkatapos naming mag-usap kanina ay inaya ko siyang mag-bonding kaming mag-ina. Habang tumitingin ako ng damit ay bigla na lang lumitaw sa harapan ko ang dalawang kaklase ko noon sa college. Hindi ko pinakita sa kanila na nagulat ako kaya matamis ko silang nginitian.
"Elizabeth, ikaw pala 'yan. Balita ko naging kabit ka daw? Totoo ba ang chismis?" nakakalokang tanong ni Ednalyn sa akin.
Hindi pa rin siya nagbago dahil kung ano ang ugali niya noon ay ganoon pa rin hanggang ngayon. Nakakainis ang gold digger na
