"WHAT are we doing here?"
Nagtatakang tanong ni Daphne kay Alessandro nang balingan niya ito sa kanyang tabi ng tumigil ang kotseng sinasakyan nila sa isang pier ng sandaling iyon.
"Sinabi mo sa akin na gusto mong lumabas?" wika naman nito sa halip na sagutin nito ng deretso ang tanong niya ng balingan din siya nito.
Tumango naman si Daphne. "Oo," sagot niya dito. "Pero ano ang gagawin natin dito sa pier?" ulit na tanong niya. Wala naman kasi do'n ang office niya.
Noong kausapin niya ito kagabi kung pwede na ba siyang lumabas ng mansion dahil nabo-bore na siya sa bahay ay pumayag ito. Inakala naman niya na pababalikin na siya nito sa trabaho, excited pa naman siyang pumasok. Sa katunayan ay maaga nga siyang gumising para pumasok ng trabaho. Inakala naman niyang ihahatid siya nito sa
