NAPATINGIN si Daphne sa gawi ng pinto nang makarinig siya ng mahinang katok na nangagaling sa labas niyon. Tumayo naman siya mula sa pagkakaupo niya sa gilid ng kama at humakbang siya palapit do'n para pagbuksan kung sino man ang kumakatok. Sigurado kasi siya na isa sa mga kasambahay ang kumakatok sa labas ng pinto. Kung si Alessandro kasi iyon ay hindi na ito kakatok sa sarili nitong kwarto, deretso na itong papasok. Kahit nga sa kwartong tinutuluyan niya dati, hindi na ito kumakatok, kapag ginusto nito ay deretso na itong papasok sa loob. Ayaw na ayaw pa nga nitong nila-lock niya ang pinto ng kwarto niya.
Nang tuluyan siyang nakalapit ay binuksan na niya ang pinto at bumungad sa kanyang mata ang mukha ni Manang Delle.
"Oh, Manang Delle," wika naman niya dito nang magtama ang mga mata n
