Walang nabago sa pakikitungo ni Froilan kay Hexur. Mahal n'ya ang inaanak kahit ano pa ang napapansin n'ya rito. Ang binata kasi ay hindi naman nagbago ng pakikitungo sa kan'ya. Ramdam niya ang respeto at pagmamahal nito.
Pansamantalang natigil ang mga bulong-bulongan tungkol kay Hexur dala na rin marahil ng takot ng lahat, lalo na ng Haitos sa pinuno nila. Naging tahimik sa loob ng maikling panahon ang buhay ng binata.
Natapos ni Morie ang paggawa ng gamot. Nagsimula na silang ipamigay iyon sa mga tao dahil hindi na lamang sa Libana nagkakaroon ng mga pagpatay kun'di maging sa iba't-ibang lugar na rin. Ang mga tao ay nagtitiyaga na lang na kumain ng mga tanim nila sa bakuran kaysa ang bumili sa tindahan ng mga pagkain na handa na.
"We are glad na nakagawa ka ng ganito kabisang gamot
