"Ano ang ginagawa n'yo riyan?" malakas na tanong ni Morie kina Jomar at Cedric. Agad niyang naitago ang AHX2 Machine at AHX kaya hindi iyon nakita ni Jomar.
"Titingnan sana namin ang lagay ni Hexur," wika ni Cedric sabay kindat kay Jomar.
"O-oo, oo nga," sang-ayon naman ni Jomar.
Nagdududa na napatingin si Morie kina Cedric at Jomar. Pagkuwan ay inilipat niya ang tingin kay Hexur na nakaidlip na. Ang binata ay dahan-dahan na iminulat ang mga mata niya. Napangiti siya nang makita si Cedric na noon ay nasa loob na ng silid.
"Baka magselos si Morie niyan. Pati sa pagtulog ko ay gusto mo akong bantayan," bungad ni Hexur sa bestfriend n'ya. "Naiidlip pa lang ako, inistorbo mo ako agad."
Humalakhak si Cedric sabay tingin sa pinsan n'ya. Nag-aasar na naman ito katulad ng dati.
"Mukha ng
