Makalipas ang tatlong buwan, sa mundo ang mga tao, ang Libana ay unti-unti nang bumabangon. Ang mayor at maging ang presidente ng bansa ay nakipag-ugnayan kay Hexur at sa tulong nila ay naging mabango ang pangalan ng Haito Mafia Group hindi lang sa buong bansa kun'di maging sa labas.
Ang prinsipe ng Haito ay kinilala ng lahat dahil sa ginawa nitong kabayanihan. Maging ang mga elite force ng Haitos ay pinakikiusapan ng mga sundalo upang makasama nila ang mga ito sa isang malaking pagsasanay upang magkaroon din sila ng ideya kung paano ang iba pang taktika sa pakikipaglaban.
Ang Sintuan Street ay maaliwalas na. Inaayos na ang mga kalsada sa lugar na iyon. Ang Buntad Street ay nagsisimula na rin ulit tayuan ng bahay ng mga tapat na Haitos. Habang ang Rirean Underground ay dumaraan sa isan
