GUSTONG-GUSTO kurutin ni Cadence ang pinsang si Azariah dahil hindi man lang nito maitago ang kilig na nararamdaman para sa lalaking nakabunggo sa kaniya kanina sa university. Nasa fast food chain sila ngayon at tuwang-tuwa pa rin ito habang nagkukwento.
Napapailing na lang si Aliona dahil sa pinapakita ng pinsan nila. "Minsan ay gusto ko na lang na ikahiya na pinsan ko tong babae na to," anito at sumubo ng spagetti.
Natawa siya rito at inirapan naman si Azariah. "Kahit ako, e." Kumagat siya sa tuna pie niya at sinaway ang pinsan. "Azariah, pwede bang kalmahan mo lang? Pinagtitinginan tayo ng mga tao. Nakakahiya!"
Tumaas ang kilay nito. "E, totoo namang gwapo ang lalaking iyon. Sayang at hindi natin nakuha ang pangalan. Hay naku!"
"Tumigil ka na nga. Ang ingay mo!"
"Ewan ko sa inyo
