SABI NG MOMMY ni Cadence, kulay puti ang susuotin ng mga apo habang ang mga anak naman ay kulay itim sa libing ng kanyang abuela. Isang white lace dress ang napili nyang suotin saka flat sandals.
Ang mga pinsan ninya ay nakabihis na rin at sumilip kanina sa kanyang silid. Nasa sala sya at pupunta na sana sa Butterfly Haven nang makitang papasok si Aga mula sa labas.
"Ready ka na?" tanong nito.
Tumango naman sya saka bahagyang ngumiti. Napansin na rin nya ang kanyang mga magulang na kapwa mga naitim. Lumapit sya rito.
Hinawakan naman sya ng mommy nya sa kamay saka bahagya iyong pinisil. "Okay ka na ba?"
Tumango sya. "Yes, mommy."
"Where is Arisia?" tanong ng daddy nya habang na kay Aga ang paningin.
"May kinakausap lang, sir," ani Aga na seryoso. Nasa kanya ang mga mata.
"Maraming
