PAGKARAAN NG proposal na naganap ay tila mas naging matibay ang pagmamahalan nila Cadence at Aga. Pakiramdam ni Cadence ay mas minahal niya ang lalaki dahil mas naging sweet ito sa kaniya at talagang pinararamdam na mahalagansiya rito.
Kung pagmamahal ang pag-uusapan, ramdam din niya na sobra siya nitong mahal. Pagdating naman sa kaligtasan niya, mas tinutukan ni Aga ang pagbabantay sa kaniya at kahit pa may ibang iniuutos dito si Brent at palaging siya ang priority nito.
Naaawa na nga siya rito dahil pabalik-balik ito ng Batangas at Bulacan sa tuwing kailangan ito sa main office ng agency nito.
Ang ginawang office ng mga ito rito sa Bulacan ay hindi pa ayos. Hindi kasi basta-basta ang gagawing office dahil may mga secret files and document na siyang ilalagay doon. Nakahanap na ng magan
