عمر وسلمى روايه رومانسي اجتماعي بطابع واقعي

الفصل الثاني من عمر وسلمى ????

الفصل الثاني من عمر وسلمى ????

محمد عم سلمى

من فتره كده من شهرين عمر عمل حادثه وحصلتلو اصابه في العمود الفقري اصيب بالشلل وكلنا اتصدمنا خصوصا انه شعلة نشاط وشغله ممتاز وبينزل نفسه يتابع

الدكاتره قالو في امل انه يعمل حقن ويعمل كورسات علاج طبيعي ويمشي تانى بس هو من اول مرحله اليأس اتمكن منه ودخل في مرحلة اكتئاب حتى اصحابه بطل يكلمهم او يشوفهم وبطل يطلع من اوضته

وبعدين من يومين بطل ياكل معانا وعازل نفسه تماما كلمته واخواته كلموه بيرد بكلام قليل والمكتب حاله واقف بيمشي بشغل علي قدى بعد مارفضنا اكتر من عقد كان جاي لعمر بالاخص

تعبنا معاه لحد مافاتحته انه يجوز كان رافض تماما بس انا ضغطت عليه واخدت منه موافقه مبدايه انك تقعدو مع بعض فتره تيجي فيها زياره لينا ولو معجبوش الوضع او انتى متقبلتهوش نخلص الموضوع ومفاتحهوش فيه تانى

سلمى ياعنى انا يمكن ده الوحيد اللي مبشفهوش من قرايبنا واول واخر مره شوفته كان في جنازة جدي الله يرحمه من سنتين وهو مشافنيش وعايزنى افكر فيه كواحد متقدملي وعايز انا اللي ابدا غريبه شويه عليا

محمد يا بنتى ولا تشيلي هم ولا تفكري في اي حاجه او انك مجبره عليه انا كنت اتمنى انك تكونى لعمر من الاول بس هو كان طموحه مسيطر عليه ومكنش ليه في البنات ولا العلاقات خالص وده اللي كان مصبرنى عليه بس انا كنت مستنيه يقول عايز اجوز واقولو عروستك عندى فياريت تفكري في كلامى وصدقي انا مش هازعل او اتغير عنك انتى بنتى الغاليه قبل ماتكوني بنت اخويا

سلمى خلاص طب سيبنى افكر في الموضوع ده يا عمو لانه مفاجاه بالنسبالي وغريبه جدا

عمها محمد خدى راحتك يا حبيبتي وعلي اقل من مهلك

سلمى طب يالا بينا علي بيت جدى نتغدي سوا وترتاح من السفر

بعد ما مشي عمها وودعها قعدت تفكر كتير وقامت صلت استخاره ونامت وبالها مشغول علي مصيرها بكره حياتها هاتكون ازاي بعد قرارها

"" "" "*****في بيت محمد الهادي" "" "" "" "" ""

بيت من طابقين او فيلا نقول كده جنينه حواليه من كل ناحيه واول دور مطبخ كبير وحمامين واوضه بحمام وريسيبشان كبير فيه اتنين انتيريه وسفره والدور التانى خمس اوض نوم كل اوضه بحمام خاص عائلة محمد الهادى كانت هو ومراته الله يرحمها في شقه قبل ما ينقلو الفيلا واتوفت ومروان كان عنده عشر سنين اصغر ولد عنده وقبل مروان يوسف والكبير عمر يدخل محمد بالليل بعد مارجع من السفر

محمد يوسف يوسف

يوسف ايوه يا بابا انا جاى

وينزل يوسف من فوق

محمد اخواتك عملو ايه والمكتب

يوسف عمر في اوضته ودخلتله اكل مرتيين بس مرضيش ياكل تانى ومروان رجع من الدروس علي اوضته واكل ونام والمكتب عملت كل اللي قولتلي عليه

محمد تمام يا بطل ربنا يبارك فيك يا بنى

يوسف وانت عملت ايه يا بابا هيتجوزو

محمد ههههه مش بالسرعه دى ده جواز يا عنى حياة اتنين والاتنين اغلي حاجه عندى مش بالسرعه دي اهدا يا يوسف انا عارف انك مستنى دورك بس متقلقش افضا بس من عمر وافرح بيك يا قلب ابوك

يوسف انا مش مستعجل ولا حاجه انا مد*كم فرصه بس استرو عليا ينوبكم ثواب قبل ما اللي في بطنى يبان وافضحكم ?

محمد ? يخرب بيتك يا يوسف بتهون عليا والله روح انتا وانا هاطمن علي اخواتك

خبط علي اوضة عمر

دخل محمد لقي عمر نايم صاحي علي السرير قالو عامل ايه يا عمر

عمر الحمد لله

محمد انا كلمت بنت عمك وقالتلي سيبنى افكر وهارد عليك

عمر هى هتتعطف وترد امتا ولا هاصعب عليها فتوافق شفقه مثلا

محمد يابنى محدش قال كده ده جواز ولا زم تاخد وقت مش توافق علي طول دانتا في السوق وعارف كل حاجه بتاخد وقت وبعدين اطمن انتا متترفضش وبكره تقول بابا قال

عمر كنت لكن دلوقت لا لو وافقت هايبقي شفقه

محمد انا غلبت معاك ربنا يهد*ك يا حبيبي وباس راسه وقالو انا طالع انام عايز اي حاجه

عمر لا

طلع محمد خبط علي مروان فتح الباب لقاه نايم اتن*د ودعا ربنا يباركله في ولاده

""""""""" يوم جديد """"""""""""

عند محمد طلع بدري اشتري فطار لولاده وراح هو ويوسف المكتب ومروان قعد في البيت واخد السنه منازل و عنده دروس بالليل وعمر نايم

عند سلمى

صحيت بدري راحت المدرسه وهي قاعده عملت اجازه اسبوع وروحت جهزت شنطتها واخدت القطر وهي في القطر رنت علي عمها وقالتلو انها في الطريق والقطر لسه طالع عمها فرح خالص وزعل منها كنتي قولتي وانا جيت خدتك او بعتلك يوسف

سلمى لا متتعبش نفسك انا واخده علي المواصلات من وانا في الكليه

محمد طب خدى رقم يوسف هابعاتهولك في رساله اول ماتوصلي رنى عليه هاتلاقيه مستانيكى قدام المحطه

سلمى طيب يا عمو شكرا

محمد ربنا يستر طريقك سلام

سلمى سلام

محمد راح عند مكتب يوسف قووم بسرعه سيب اللي في ايدك وشوف بنت عمك هترن عليك خدها من المحطه

يوسف ثوانى وهاجيبهالك

محمد يا غ*ي روحها البيت وانا هاخلص شغل واجيلك

يوسف سلام

محمد بالسلامه

عند محطة القطر يوسف فضل مستنى اكتر من ساعتين ونص ويرن علي ابوه بيدى غير متاح ومعهوش رقمها لما بيطلع دخان من ودانه ?ليه ياعنى دانا لو عبد مشتريينه مش هايتعمل فيا كده تكون المحطه ولعت ولا المسافه كبيره من القطر لباب المحطه ولا تكون اتمسكت بم**رات ارحمنى يارب

فجاه رن الموبايل برقم غريب فتح بسرعه وقال سلمى

ردت قالت ايوه يوسف صح

يوسف اه والله العظيم انت فين

سلمي انا علي باب المحطه انت فين

يوسف قالها خاليكى معايا وانا هاوصلك

وفعلا اتقابلو وسلمو علي بعض ويوسف اخد منها الشنطه

وقال انت فين كل ده انا اديلي اكتر من ساعتين واقف

سلمى انا قولت لعمى لما كلمته انا لسه القطر طالع

يوسف وهو من فرحته طلعنى ذي القطر

سلمى ? انا اسفه والله بعتذر منك

يوسف لا انا حسابي معاه لما اروح

سلمى لا كده انا هخاف منك

يوسف لا ده كلام بس ? انما انا ولا بهش ولا بنش

وطلعو بالعربيه

وبكره معادنا مع الجزء التالت ان شاء الله