Pagod ang dalaga sa ginawa nilang pamamasyal kanina ni Jen. Sobrang dami nilang ginawa kanina sa palayan ng pamilya ni Jair. Maraming mga tanim at nanghuli rin sila ng mga isda sa fish pond ng mga ito. Kasalukuyan siya ngayong nakaupo sa labas ng bahay nila Jen. Nakatingin lang siya sa paligid na puno ng mga luntiang palayan. Pumikit siya at huminga nang malalim. Pagmulat niya ay nagulat siya nang nakatayo na si Dos sa harapan niya at inaabot ang cellphone nito sa kaniya. Kaagad na kumunot ang noo niya.
“Bakit?” tanong niya rito.
“Your mom wants to talk to you,” simpleng sagot nito. Tinanggap iyon ng dalaga at sinagot. Hindi pa nga siya nakapag-hello bumungad na ang matinis na boses ng mommy niya.
“Baby, sumabay ka na kay, Dos umuwi ha. Hapon na eh baka gabihin ka sa daan. Nakakahi
