Ariane
Nakailang buntong hinga na ako ngayong araw dahil sa pagkadismaya.
Pagkatapos kasing sabihin ni Devon na uuwi si Mama ay lagi kong iniisip na siya ang taong papasok sa aking kwarto. Kaso puro nurse lang ‘yong pumapasok eh!
Napatingin ako sa malaking bintana na katabi ng kama ko. Mukhang sinadya talaga nag bintanang ito para makita ng pasyenteng nakaupo sa kamang kinalalagyan ko ang paglubog ng araw, muli akong napabuntong-hinga. Malapit ng lumubog ang araw pero wala pa rin ang kahit anino ni Mama ang nasilayan ko, hindi ko na rin nabilang kung ilang beses kong inisip na baka binibiro lang ako ni Devon dahil sa pangtutukso na ginawa ko sa kaniya. Kaso ang sama ko namang kaibigan kung iisipin kong nagsisinungaling si Devon at isa pa hindi niya naman ugali na gawing biro ang pag-uwi
