Ariane
Nagising ako dahil sa isang malakas na katok na nagmula sa pintuan ng aking kwarto. Napa-daing ako habang hawak-hawak ang akong ulo, nang idilat ko ang mga mata ko, nalaman kong wala pala ako sa loob ng aking kwarto. Nasa living room kami ni Mama at magkatabing natutulog, suot ko pa rin ang damit na suot ko kagabi, nang mahagip ng paningin ko ang dalawang wine na walang laman ay nasampal ko ang noo ko.
Mas lalong lumakas ang katok na nanggagaling sa pintuan ng bahay namin.
“Patahimikin mo nga ‘yan anak…” usal ni Mama bago tinakpan ang kaniyang mukha ng kumot.
Kumikirot man ang ulo ko kapag gumagalaw ako, pinilit ko ang sarili ko na tumayo. Humawak ako sa gilid ng sofa upang nakakuha ng suporta sa aking pagtayo. Napapapikit na lang ako sa sakit na nararamdaman ng ulo sa bawat pag
