Ariane
Isang mahinang tapik sa balikat ko ang nakapagpagising sa akin.
Maraming beses ko namang kinurap ang mga mata ko at tiningnan kung sino ang tumapik sa balikat ko na agad nagpaatras sa akin dahilan para mauntog ang ulo ko sa gilid ng eroplano. Mabilis akong sumulyap sa direksyon ng kinauupuan nina Mama at Cleo, mas nataranta ako nang wala na sila. Ibinalik ko ang tingin ko sa taong kaharap ko ngayon habang hinihimas ang nauntog kong ulo.
“Nasaan sila?” tanong ko sa kaniya na ikinailing niya bago niya itinaas ang takip ng katabi kong bintana. Nang tinanaw ko ang nasa labas ay napaikot ang mga mata ko nang makita ko sina Mama at Cleo na papalit-palit sa pag-awra at pagkuha ng litrato. Bigla namang napatingin si Mama sa akin na nakatingin lang sa kanila, masigla niya akong kinawayan
