Ariane
Pareho kaming tulala ni Rezelle habang kaharap ang mga magulang ni Maxine. Hindi namin alam kung anong isasagot sa mga katanungan nilang gusto rin namin itanong sa kanila. Nagising kaming dalawa ni Rezelle kaninang umaga na walang Maxine sa tabi namin, kahit yung mga gamit niya ay walang natira. Yung mga basura’t pinagkainan namin ay wala na nilinis na niya. Hindi kami nagtaka agad baka kasi pinauwi lang siya sa kanila dahil hindi ugali ni Maxine na umalis ng walang paalam.
Nang tatawagan na sana namin siya kanina upang masiguradong listas ang kalagayan niya ay biglang tumambol ang puso ko nang makitang wala na ang kaniyang contact number sa aking cellphone. Hindi pa nga naniwala si Rezelle sa akin nung una at nang tingnan niya ang kaniyang cellphone ay ganun rin, wala ang numero
