تهللت أسارير وجهها من أن رأته وكأنما وجدت مكمن أسرارها الكبيرة، ابتسم "وسام" في هدوءٍ ثم قال مُحاولًا استنتاج أو تخمين بعض الأمور معها:
-يمكن هو فعلًا ومش حابب الخير اللي عمله يتعرف!
مطت شفتيها حيرةً ولكن معالم وجهها تغيرت إلى أخرى حانقة ثم صاحت باستنكار:
-بس أمي قالت ع** دا؟؟؟
وِسام وهو يرد بلهجة ثابتة:
-إنتِ عارفة إن الست الوالدة بتهري، الراجل دا لو كان مُتصنع زيّ ما بتقول مكانش ربنا كرمه بحب الناس دي كلها.
تن*دت "وَميض" بحيرة ثم أردفت بنبرة سادرة:
-طيب إنتَ مصدقني؟!
وِسَام باقتناع كبيرٍ:
-مصدقك، بس التفسير الوحيد لموقفه إنه مش عايز شوشرة والخير اللي بيعمله بيرميه في البحر.
توترت نفسها قليلًا فقامت بقضم أظافرها الواحد يليه الآخر ثم قالت بصوت يائس مُضطرب:
-وبالنسبة للميدالية؟
رفع كتفيه ثم أنزلها في جهل من إجابة هذه السؤال بالتحديد، ضيق عينيه يفكر للحظات ولكنه صرح في النهاية بغ
