Nakaalis na si Archer si Binggo naman ay patuloy lang sa paglilinis ng kusina. Nilinis niyang maigi at nag disinfect din siya. Masayadong metikuloso si Archer, ayaw niya ng may makikitang dumi at maaamoy na mabaho at malansa.
Matapos mapulido ni Binggo ang paglilinis sa kusin ay naghanda naman siya para pumunta sa supermarket at mag-grocery.
May sarili siyang sasakyan na ginagamit, bigay sa kaniya iyon ni Archer. Mamahalin at latest model ng kotse iyon. Minsan ginagawa niyang pamporma para makapagpasikat sa mga babae. Limang taon sila sa America pero katulad ni Archer ay wala rin siyang naging seryosong girlfriend. Maraming nagkakagusto sa kaniyang ibang lahi pero mas gusto pa rin niya ay ang dalagang pilipina.
Sa isang sikat na mall siya nagpunta. Malapit lang iyon sa condo unit nila
