ANTHEA'S POV
Ang ingay sa covered court halos sumabog ang tenga ko. Mga tao, nagsisigawan, pumapalakpak, pati mga kalaban, may sariling cheer squad. Pero hindi ako nawawala ng focus—ang mata ko, nakatutok lang kay Exiel.
Championship na. Sila Exiel, laban sa Team Dino. At kita ko, sa bawat galaw ng mga players, buhay na buhay ang laro.
“Go Team Exiel! Kaya n’yo ‘yan!” sigaw ng mga fans ng Team Exiel habang hinahampas ang hawak na improvised banner na gawa lang sa kartolina.
Si Lovely, isa sa mga cheerleaders ngayon, nakapila sa harap ng bench nila Exiel. Ang ganda niya tingnan sa uniform nila—may mga pompom pa siyang hawak habang sinisigaw ang team chant nila.
Si Flora, bilang SK kagawad, naka-tshirt na may print ng team nila Exiel. Nasa gilid siya ng bench, hawak ang clipboard at pam
