Harieth Zarie Fedencio POV
Napatakbo ako sa lababo nang maamoy ang isdang paksiw na niluto ni kuya kenie. Parang hinahalukay ang tiyan ko. Wala naman akong maisuka kundi puro laway. Nahihilo na pati ako.
"Bunso!" Napasulyap ako kay kuya kenie na hindi ko namalayan na sumunod pala sa akin. Hinihimas niya ang likod ko. Nagmomog muna ako bago hinarap si kuya kenie at yumakap sa kanya. Sumandal ako sa dibdib nito at humikbi.
"Bunso.... may masakit ba sa iyo?"
"N-nahihilo ako kuya...."
Naramdaman ko ang pagtango nito bago ako pangkuin. Dinala niya ako sa kwarto at hiniga, kinumutan bago halikan sa noo.
"Bunso, magpahinga ka muna d'yan. Ililigpit ko muna ang paksiw na isda para hindi mo na makita o maamoy mamaya."
Napangiwi ako nang maalala ang itsura no'n, para akong masusura ulit.
Napa
