Sa halip na umalis at sumama sa kaniya, hindi ako pumayag. Agad ko siyang hinila pabalik sa loob. Wala naman na siyang nagawa kun’di sumama sa akin.
“Saan ba ang kuwarto mo?” tanong ko sa kaniya at saka pinasadahan siya ng tingin habang hawak ko pa rin siya sa braso at inaalalayan.
Napansin kong medyo nailing siya kaya napabuntong hininga na lang ako. Agad akong napalingon sa kaliwang direksyon at tinitigan muna siya bago sumenyas na sa sofa na lang muna siya.
Hindi naman na siya nag reklamo at agad namang sumunod sa akin.
Nang malapit na kami, marahan ko siyang inalalayan at bigla na lang siyang bumagsak sa sofa kasama ako dahil nakahawak ako sa kaniya.
Ilang segundo akong nawala sa sarili. Nagtama ang tingin naming dalawa, at agad akong napalunok. Ang init ng kamay niyang nakahaw
