NAPANGANGA ako sa ganda ng isla nang marating namin iyon tangan ng yate. Inabutan na kami ng paggising ng umaga. It was pristine and clear as paradise. Puti ang buhangin at kitang kita ang mga coral reefs sa sobrang linaw ng tubig. Kahit ang mga jelly fish at gold fish ay masisipat rin. Nakalimutan ko ang lungkot na lumukob sakin kanina.
Excited akong bumaba sa yate nang sa wakas ay dumaong na ito sa baybayin. Kasalukuyan namang kinakausap ni Dylux ang tauhan nito na bantayan ang yate. Bukod roon ay hindi ko na alam pa ang mga pinagusapan nila dahil iniwan ko na sila at nauna na.
Animo'y batang sabik sa laruan ko'ng pinagmasdan ang buong isla. Napakapresko ng hangin at sariwa. Maganda ang sikat ng araw kung kaya mas nadepina ang malaparaisong lugar.
Isinawsaw ko ang paa sa malinaw na
