Cyril POV
Ready na ang flight ko para mamaya. Oras na para magpaalam ako sa mga taong mahal ko. Hanggang ngayon ay nagdadalawang isip pa rin ako kung haharapin ko ba si Eros.
Hindi ko alam kung kaya ko bang sabihin sa kanya na aalis na ako at hindi na kami magkikita ulit.
Ang sakit... Nasasaktan ako sa mga nangyayari pero naniniwala rin naman ako na kung talagang para kami ni Eros sa isa't-isa ay gagawa ng paraan ang tadhana para sa aming dalawa.
Papunta ako ngayon sa bahay nila Luther para magpaalam sa kanya. Alam ko na masasaktan ko na naman si Luther pero kailangan kong gawin ito.
Ayoko naman na bigla na lang mawala dahil alam kong magagalit lalo sila sa akin. Mas mabuting magpaalam ako.
Nang pindutin ko ang doorbell sa bahay nila Luther ay naghintay na lang ako kaagad sa labas.
