همسات هاديس

الفصل الثامن

بارت 8

عندما وصلوا الى الجدة (السيده العجوز ) دخل الجميع ورحبت هى بهم ونظرة ل امجد وتبسمت قائله

الجده / له رجعت مش قولت هتواجهه

امجد / عشان اواجه لازم اكون على الاقل عارف خصمى مش احارب مجهول

الجده / اما مشيت المرة اللى فاتت من غير ما تسأل قولت ان مش انت اللى مكتوب عليه انت زى جدك متهور بس الان يا مرحبا بيك تعالى ادخل الاول اقرأ مذكرات جدك وبعدين لينا قاعده سوى بس افتكر الصياد الناجح هو اللى فاهم معنى الصبر

ابتسمت اتوجهت للحجرة اللى نمت فيها المرة اللى فاتت اخذت وقتى فى النوم وارتحت وبعدين دخلت فرندة الاوضه (الشرفه) ومسكت مذكرات جدى وبدأت اقرأ

#########(حكايتى )########

اليوم الاول

امجد العميرى اليوم انا سنى 25سنه متزوج من حب عمرى هدى وليه ابن اسمه عامر انا فعلا املك السعادة حالتى المادية مستقرة وناجح جدا فى شغلى وسبب نجاحى بعد فضل ربنا قدرتى على التكلم والقراءة والكتابه بلغات متعدده ومع ذلك كان فى شئ دائما يؤلمنى ليه مش لى اخوات وليه جدتى مش عايشة معانا قررت اسأل ابويه

بس بكرة لان الوقت متاخر واكيد نايم

اليوم الثانى

اليوم اكتشفت حقايق صدمتنى وعلى اد ما انا فرحت بيها على اد غضبى ان ابويه خبى عنى السنين دى كلها مش هنكر انى مكنتش مصدق فى الاول بس هو ورانى الادله واخذنى اماكن عمرى ما كنت متخيل انها حقيقه النهاره الصبح لما سألته ابتسم وقالى تعالى هوريك حاجه وبعدين هجاوب على اسئلتك روحت معاه لاجمل مكان على وش الارض رغم انه فى وسط الصحراء بس سبحان الله واحه خضرة كلها اشجار ونخيل مثمر وفيها نبع ماية ومراعى للح*****ت حسيت انى فى جنة الارض بس شكل الناس مختلف منهم اللى فى غاية الجمال رجال ونساء واطفال ومنهم اللى ليه اجنحه ومنهم الاطفال اللى فى سن 9سنوات واصغر بس مفيش اطفال اكبر من كده وفى ح*****ت شكلها غريب اكتشفت بعد كده انهم مش ح*****ت دول مخلوقات تانيه وليهم لغتهم الخاصه واالى فجاة انى اعرف منها زى الهلوغرفيه والرومانيه ولما حاولت اسئله شاورلى نقعد فى مطعم اه والله مطعم زيه زى اى مطعم فى قلب القاهرة وبعد ما اعدنا قالى ان جدتى من مخلوقات الزراعه يعنى مش انسانه بس اقرب شبه للانسان وانها بتكبر فى السن لكن مش بيبان عليها شكلها مبيكبرش عن سن واحده فى 50 رغم انها ممكن تكون عندها مئات السنين وانه لما اتعرف عليها هى كانت 100وبعض السنين مرضيش يحدد اد ايه بس قال انه لما شافها افتكر انها 15 سنه بس كانت واقعه فى مشكله وبتحاول تهرب من ضباط خباها ومن لحظتها وقع فى حبها وهى كمان حكيتله عنها وانها ملكة مخلوقات الزراعه وجبيته الارض دى وقالت له انهم لو اتجوزوا اول طفل ليهم مش هيكبر عن 9سنوات والباقى هيكنوا عاديين منهم اللى ممكن يورثها فى الجينات بس مش كلهم ويمكن اللى يورثها يكون احد الاحفاد او احفاد الاحفاد وهو بس اللى هيكون اقوى من المخلوقات السبع كلهم وليه السيطرة عليهم بس الباقى هيقدروا يتحكموا فى الزراعه يعنى افضل محاصيل وثمار هتكون بتعتهم وفعلا اتجوزوا وجابوا 4 بنات وولد ولكن ملك المخلوقات السفلية هاديس خطف بنت منهم واخدها العالم بتاعه حاولت الملكه توصله وتحرر بنتها لكن هو كان عمل حسابة واخترع كتاب سحرى على يد كبار سحرة مملكته لمنع مرور ملكة مخلوقات الزراعه وبعدها خطف بنتها الثانيه وكانت حامل من انسان وقتها مقدرش ابويه يفضل ساكت وسيبها هى تحاول واخدنى انا ونزلنا القاهرة واشتغل فى الاثار على هدف انه يلاقى الكتاب ويرجع بناته بس بعد ما عرف منها ان لو هو منجحش فى استرجاع بناته يبقى هيضطر يستنى ابنه ويشوف لو كان هو المقدر ليه ورث الصفات الوراثيه من امه ولا لا ولو مش هو يبقى هيستنى الحفيد اللى هيقدر له محاربة هاديس ويجبرة على تباعيته ويرجع بناتها منه .

وبعدين رجعنا البيت وانا بسأل نفسي طيب هعرف منين اذا كنت انا اللى ورثة الجينات دى ولا لا ولو حتى مش انا انا لازم الاقى الكتاب واحاول باقى طريقه ارجع اخواتى

اليوم الثالث

النهارده وجهت ابويه انى هدور على الكتاب واول ما الاقيه هروح لامى تعرفنى اذا كنت انا اللى هحارب هاديس ولا لا وحتى لو مش انا هحاول برده ارجع اخواتى حتى لو مقابل حياتى ان كان هو مخادع فانا صاحب حق وهرجعه فجأت بهجوم ابويه ورفضه بحجة انى ابنه الوحيد وانه مش عايز يخسرنى لو مش انا اللى ورثت الجينات يبقى هصبر يمكن يكون عامر ابنى بس لا انا مش هستنى وبكرة هنزل المقابر الاثريه اللى لسه تحت الحفر وهدور على الكتاب بس مش فاهم ليه ابويه طلب منى معرفش مراتى حاجه بس مش مشكله المهم اشوف اخواتى بس بكره قبل اى حاجه هروح لامى اشوف اختى شهد اللى عمرى ما شفتها او مش فاكر انى شوفتها رغم انها الكبيرة اول مولود ليهم

اليوم الرابع

النهارده انا طلبت من ابويه ياخذنى لامى عشان اشوف شهد اختى الكبيرة وافق ورحنا مكان فى الصعيد المكان كان شبه الارض اللى روحناها قبل كده بس فى فلا كبيرة دخلت لقيت سيت مش عجوزه قوى بس جميلة جدا اول ما شافتنى جريت علية وحضنتنى وفضلت تبكى حضنتها وحسيت انى رجعت طفل محتاج لحضن امه اخذنى واكلتنى بأديها وفضلت تحكى لى عن كل حاجه وعن اخواتى وهى بتبكى على فراق بنتنها الاثنين وعدتها انى هعمل كل ما فوسعى وارجعهم وشويه ودخلت بنت صغيرة ماسكة عروسه فى ايديهت وقربت منى وقالت لى انت امجد النونو انت كبرت اوى انا شهد اختك الكبيرة اخدتها فى حضنى واعتذرت منها انى مجتش اشوفها من زمان ضحكت وقالت لى انها عارفه انى مكنتش اعرف عنها حاجه ومش زعلانه منى فضلت معاهم طول اليوم وكان اجمل يوم فى حياتى . بس عرفت انى مش انا اللى ورثة امى بس قرارى متغيرش

اليوم الخامس

النهاردة وانا فى مقبرة جديده فى اسكندريه انا وعم البادرى لقينا حاجه زى شنطه ملفوفه بطريقه غريبه ومدفونه تحت احد المميات عم البادرى طلب منى ادى الشنطه للعالم الاجنبى المسؤول عن الحفريات بس انا رفضت وطلبت منه ميقولش انى لقيت حاجه وانى هاخد الشنطه دى خذرنى لتكون ملعونه من سحرة فرعون زى الاشاعات اللى بنسمعها ضحكت وقولت لو ملعونه هسمى الله وانا بفتحها واخذتها ونزلت القاهرة ودخلت مكتبى اللى فى البدروم ودخل ابويه ورايه لما شاف اللى فى ايدى فتحنا الشنطه وطلع الكتاب بس عليه قفل مكتوب بلغه مدموجه من لغتان

اليوم مش عارف الكام

انا بقالى كتير من يوم مالقيت الكتاب وانا مش بسجل حاجه بس النهارده انا مخنوق جدا لانى مش عارف افق شفرت القفل بتاع الكتاب ونفسيتى فى الارض انا اهملت شغلى واهملت دراستى وحتى اهملت علاقتى بمراتى حتى بطلت اقعد مع عامر والعبه زى زمان بس اكيد لما يكبر ويلاقى عماته معاه وانى حميته من هاديس ده هيفهم ويقدر بعدى عنه ليه

اليوم اللى برده مش عارف رقم كام

النهارده عرفت بمساعدة مراتى افتح الكتاب وطلع التحذير وادانى مهله افكر اكمل وانفذ عهوده عشان يفتح الباب اللى بين العالمين وقال ايه يدينى كنوز الارض مش قادر اقول لحد انى خايف بجد خايف لتكون العهود دى اقوى من مقدرتى ومقدرش اوصل ويبقى ليه سيطرة عليه بس مفيش امامى غير كده رغم اعتراض ابويه لا بيقولى ادفن الكتاب واستنى يمكن عامر هو الوريث لا طبعا انا مش هستنى عامر اللى لسه 9سنين يترى اخواتى عايشين اذاى وهل اختى اللى كانت حامل ماتت زى قرينتها اللى من نفس المخلوقات الاخرى بعد ما ولدت ولا عايشه ولو ماتت يترى بنتها وصلت ل9سنبن ولا لا طيب اختى الثانيه اللى هاديس حبها اجبرها على معاشرته ولا ليه بتقاوم ورفضاه على اما ان حد ينقذها افكار كتير فى دماغى بس لازم لازم انفذ العهود يترى ايه هى

##########################

##Asmaa###

يا ترى الجد امجد حصل ايه بينه وبين هاديس

وامجد الحفيد هيستفيد ايه من مذكراته

ويا ترى ايه اللى الجده هتقوله لامجد

#######

على فكره التعليقات بنشجعنى اكتب والمناقشات بتدينى افكار احيانا بغير من احداث الروايه لما رأى يعجبنى

### دمتوم مرعوووووووووبين ####