HERA'S POV
Paglabas na paglabas namin ay agad din kaming napahinto. Sinalubong kami ng mga rebeldeng nakahanda ng sumugod. Nasa loob na sila ng gate at tanging mga gwardiya ng palasyo na lang ang nakatayo sa harap nila at handa silang harangin. Binigyan kami ng madadanan ng mga kawal na nakapwesto sa harap ng pintuan. Nadatnan namin ang mag-ama na nasa pagitan ng mga kawal at Rebelde.
"Aalisin namin sa trono ang inyong angkan. Hindi kayo karapat-dapat sa mga upuan na iyan!" Galit na wika ng pinaka-pinuno. Matikas ang pagkakatayo nito at mukhang matapang, hindi basta-basta matitibag .
"Huminahon ka, pag-usapan natin ito." Pagpapakalma ng Hari.
"Walang dapat pag-usapan. Ilang daang taon na ang tiniis ng mga mamamayan ng Glacies sa pamunuan ninyo. Walang pagbabago." Sagot ng nasa kabilan
