Chapter 28
Napaawang ang bibig ko habang nakatitig sa lalaking nasa harapan ko. Natulos ako sa kinatatayuan ko. Hindi ko magawang magsalita. Bubuka ang bibig ko ngunit kaagad ko rin namang isasara dahil wala akong mahanap na salita. Tila tinakasan na ako ng sarili kong boses.
“Bakit parang nakakita ka ng multo?” nakangising tanong niya habang nasa loob ng bulsa ng kaniyang slacks ang isang kamay niya.
“O-Onyx, anong ginagawa mo rito?” pagtatanong ko nang makabawi. Naigala ko ang paningin ko sa lugar kung nasaan kami. Tahimik ang kabuuan ng CR at tanging kaming dalawa lang ang nandito. “B-Bakit ka pumasok dito?”
Tumuwid siya sa pagkakatayo. “Didn’t you hear what I said earlier? I’ll also use the bathroom, that’s why I’m here,” sagot niya, pilit na inaayos ang direksyon kung saan siya ti
